Məktəblərdə birinci sinif şagirdlərinin qeydiyyatının üçüncü
mərhələsi başa çatıb.
Marneuli bələdiyyəsinin 74 ictimai məktəbi 2023-2024-cü tədris ili
üçün 2890 nəfər birinci sinif şagirdini qəbul edə bilər.
Marneuli miqyasında mövcud olan təhsil müəssisələrində birinci
sinif üçün 1388 şagird qeydiyyatdan keçib. 1502 yer boş qalıb.
Qarşıda qeydiyyatın sonuncu mərhələsi durur.
Ancaq nəzərə alsaq ki, əsas mərhələ artıq
başa çatıb,
göstəricilərdə böyük dəyişiklik gözləməməliyik. Elə məktəblər var
ki, birinci sinfə heç bir şagird qeydiyyatdan keçməyib.
- Opreti ictimai məktəbi
- Xutor-Lejbəddin ictimai məktəbi
- Tserakvi ictimai məktəbi
- İmirçala ictimai məktəbi
Opreti məktəbi 20, Xutor-Lejbəddin 5, İmirçala 10, Tserakvi isə 13
nəfər birinci sinif şagirdi qəbul edə bilər.
Ağqula kənd ictimai məktəbində yalnız 1 nəfər birinci sinif şagirdi
qeydiyyatdan keçib. Çanaxçıda 3, Kirovkada 3, Şaumyanda 3, Sionidə
1 şagird birinci sinfə qeydiyyatdan keçib.
İndiki mərhələdə Marneuli 2, 5 və 6 saylı ictimai məktəbdə heç bir
boş yer qalmayıb.
Birinci siniflərin ümumi qeydiyyat təlimatına
linkdən baxa bilərsiniz.
I, II və III mərhələdə qeydiyyatdan keçə bilməyən, yaxud qeydiyyatı
dəyişdirmək istəyən şagirdlər məktəblərdə IV mərhələdə - 17 iyuldan
28 iyula qədər, boş yerlərə və ya əvvəlki mərhələlərdə boşalan
yerlərə qeydiyyatdan keçə biləcəklər.
Şagirdin qeydiyyatını dördüncü mərhələdə valideynin/qanuni
nümayəndənin təqdim etdiyi vacib sənədlər əsasında ictimai məktəb
təmin edir.