Marneulili Edqar Mazmanyan Amerika səfirliyinin "Global UGRAD"
mübadilə proqramının finalçısı olub
və o, bakalavr pilləsinin bir semestri ərzində Amerika Birləşmiş
Ştatlarının İndiana Universitetində təhsil alacaq. Mazmanyanın
sözlərinə görə, yeni imkan onun üçün böyük motivasiyadır.
"Çox sevinirəm. Düşünürəm ki, bu proqram mənə ölkəmi və
mədəniyyətimi təmsil etmək imkanı yaradacaq. Beynəlxalq təhsil və
təcrübə qazanmaq şəraitim olacaq. Bu peşəmdə mənə lazım olacaq və
geri qayıtdıqdan sonra ictimaiyyət üçün bundan istifadə edəcəyəm.
Eləcə də xaricdə dostlar və tanışlar qazancağam. Öz təcrübəmlə
gənclərə motivasiya verəcəyəm ki, onlar da layihələrdə iştirak
etsinlər, zəhmətlərinə mütləq qiymət veriləcək", –
Edqar Mazmanyan bildirir.
Edqar Mazmanyan İvane Cavaxişvili adına Tbilisi Dövlət
Universitetində Sosial və Siyasi Elmlər fakültəsinin beynəlxalq
əlaqələr istiqaməti üzrə təhsil alır.