Marneulidə “Yay bağçası” 3 iyuldan fəaliyyətə başlayacaq.
Bağça valideynləri işləyən uşaqlara bir ay ərzində xidmət
göstərəcək.
27 iyuna olan göstəricilərə görə, “Yay bağçasına” 28 uşaq
qeydiyyatdan keçib. Marneuli Uşaq Bağçaları Birliyinin rəhbəri Zaur
Kərəmov Marneuli radiosu ilə söhbəti zamanı bildirdi ki, qeydiyyat
ayın sonuna qədər davam edəcək. “Yay bağçası” Marneuli 1 saylı
ictimai bağçasında fəaliyyət göstərəcək.
"Qeydiyyat ayın sonuna qədər davam edir. Ən çox 33 uşaq
qəbul edə bilərik. Yay bağçasında 1 saylı bağçanın əməkdaşları
işləyəcəklər. Bağçaya valideynlər işlədiyi halda qəbul olmaq
mümkündür. Onlar iş yerindən arayış gətirməlidirlər və ərizə
yazmalıdırlar", – Kərəmov bildirir.
“Yay bağçaları” təcrübəsi Marneulidə illərdir, var. Ancaq 2020-ci
ildə bağça pandemiyaya görə fəaliyyətini dayandırdı və 2023-cü ilə
qədər fəaliyyətini bərpa edə bilmədi.