3 iyul tarixində, Marneuli “Yay bağçası” fəaliyyətə başlayıb. Bu il
“Yay bağçasına” 43 uşaq qeydiyyatdan keçib.
Uşaq Bağçaları Birliyinin rəhbəri Zaur Kərəmovun sözlərinə görə,
“Yay bağçasının” tarixində ən çox uşaq bu il qeydiyyatdan keçib.
Birlik buna görə, bir əməkdaş da əlavə etməli olacaq. “Yay bağçası”
Marneuli 1 saylı bağçasında, bir ay ərzində fəaliyyət
göstərəcək.
“Ümumilikdə 43 uşaq qeydiyyatdan keçib. İlk iş günümüzə
26 uşaqla başladıq. Uşaqların sayı çox olduğuna görə bir əməkdaş
əlavə etməyi düşünürük. Bir qrupdur, hazırda pedaqoq, bir dayə və
bağça əməkdaşları işləyirlər. İndi müəllim köməkçisi əlavə etməyi
düşünürük. 30-dan artıq uşağımız olmurdu, bu il tələb
böyükdür”.
Marneuli “Yay bağçasında” qeydiyyat 14 iyunda başlayıb. Qeydiyyatın
ilkin şərti valideynlərin işlədiklərinə dair arayış təqdim
etməsidir.
“Yay bağçaları” təcrübəsi Marneulidə illərdir, var. Ancaq 2020-ci
ildə bağça pandemiyaya görə, fəaliyyətini dayandırıb və 2023-cü il
ilə qədər fəaliyyətini bərpa edə bilməyib.