Birinci sinif şagirdlərinin qeydiyyatı başa çatıb. Marneuli ictimai
məktəblərinə 1 723 nəfər birinci sinif şagirdi qeydiyyatdan keçib.
Bu barədə Təhsil Resurs Mərkəzinin nümayəndəsi İrma Davadze məlumat
verib. O, bildirib ki, bələdiyyə miqyasındakı yeni tədris ili üçün
təhsil müəssisələrinə hər il ümumilikdə 2 000-ə yaxın birinci sinif
şagirdi qeydiyyatdan keçir.
Bu il Marneulidə iki məktəbdə birinci
sinif olmayacaq. Marneuli
bələdiyyəsinin Opreti və Tserakvi kənd məktəbində heç bir şagirdi
qeydiyyatdan keçməyib.
Marneulidə ümumilikdə 74 məktəb var. Birinci siniflərin qeydiyyatı
hər il dörd mərhələ olaraq həyata keçirilir.
I, II və III mərhələlərdə qeydiyyatdan keçə bilməyən və ya
qeydiyyatı dəyişdirmək istəyən şagirdlər IV mərhələdə - 17 iyuldan
28 iyula qədər məktəblərdə qalan boş yerlərə və ya əvvəlki
mərhələdə boşalmış yerlərə qeydiyyatdan keçə bilərlər.
Şagirdin qeydiyyatını dördüncü mərəhlədə qanuni nümayəndənin təqdim
etdiyi vacib sənədlər əsasında ictimai məktəb həyata keçirir.