“Bir çanta, bir ümid” – “Salamın” kampaniyası başa çatıb.
Təşkilatın məlumatına görə,
ictimaiyyətin dəstəyi ilə Marneuli, Bolnisi, Dmanisi, Qardabani,
Saqareco və Laqodexi bələdiyyələrində (ümumilikdə 54 kənddə) 243
uşağa məktəb ləvazimatları verilib.
“Xatırladaq ki, kampaniya vətəndaşların maliyyə dəstəyi
ilə baş tutdu və 234 nəfər maddi dəstək göstərdi. Ümumi məbləğ 9
682,7 lari təşkil etdi. Qeyd edək ki, kampaniya çərçivəsində
həmçinin, “Mərmərə Universitetinin Tələbə Birliyindən” də dəstək
aldıq. Onlar bizə 203 çanta verdilər. Həmin çantaların
gətirilməsini isə “Meta Group” təmin etdi. Bu kampaniyaya
başlamağımızda məqsədimiz mərkəzdən uzaqda yerləşən kəndlərdə
yaşayan uşaqlara təhsil imkanlarını az da olsa əlçatan etmək,
uşaqlarda təhsilə marağı artırmaq idi. Çünki qeyri-dominant etnik
qrupların məskunlaşdığı kəndlərdə təhsil məsələsinin aktual
gündəlikdə olması mühümdür. Bildiyiniz kimi, uşaq bağçalarının
əlçatanlığı üç dəfə daha azdır (Bolnisi və Dmanisi bələdiyyələrində
etnik azərbaycanlılar yaşayan heç bir kənddə uşaq bağçası yoxdur),
əksər kəndlərdə məktəb binası qəzalı vəziyyətdədir və
antisanitariya vəziyyəti kifayət qədər ciddi problem olaraq qalır.
Eləcə də etnik azlıqların yaşadıqları kəndlərin məktəblərində
müəllimlərin sayı iki dəfə azdır. “Salam” platformasında birləşmiş
gənclər inanırıq ki, burada sadalanan və sadalanmayan problemlərin
aradan qaldırılması üçün dövlətin düzgün sistemli baxışı,
dəyişikliklər lazımdır. Ancaq ona qədər özümüzə, ictimaiyyətə qeyd
olunan simptomları yüngülləşdirmək üçün qarşılıqlı dəstək və
həmrəylik lazım olacaq. Məhz bu həmin kampaniyanın məqsədlərini
uğurla həyata keçirməyə şərait yaratdı”, – “Salam”
təşkilatı bildirib.
“Salam” platforması tərəfindən “Bir çanta, bir ümid” kampaniyasına
iyul ayında start verilib.