Marneuli bələdiyyəsi miqyasında 2023-cü ildə 1+4 proqramı ilə 406
tələbə, vahid milli imtahanlarla isə 106 tələbə universitetə qəbul
olub.
Marneuli Resurs Mərkəzin nümayəndəsi İrma Davadzenin "Marneuli"
radiosunun "Mühüm detal" verilişində söhbəti zamanı bildirdiyinə
görə, vahid milli imtahanlarla qəbul olmuş abituriyentlər arasında
azərbaycanlı və erməni tələbələr də var.
"406 tələb 1+4 proqramı ilə, 106 tələbə isə vahid milli
imtahanlarla qəbul olub. Onlardan ən yüksək 100%-lik
maliyyələşdirməni Ana Asanidze qazanıb. Tekla Doqvadze və Luka
Cacania isə 70%-lik maliyyəlışdirmə qazanıb. Eto Panqani və Anano
Xarşiladze 50% maliyyələşdirmə əldə ediblər. Qalanları da çox böyük
uğurla qəbul olub. Qeyd edim ki, 106 şagirddən, doğrudur gürcü
məktəbi bitiriblər, amma vahid milli imtahanlarda 26 etnik
azərbaycanlı, 6 etnik erməni şagird idi. Çox qürurvericidir ki,
belə uğurla imtahan veriblər", – İrma Davadze
bildirib.
2023-cü ilin vahid milli imtahanları iyunda başlayıb. Milli
imtahanları vermiş və təhsillərinə universitetdə davam etmək hüququ
qazanmış tələbələrin siyahısı sentyabrın əvvəlində məlum olub.