Marneulinin Amerika Guşəsinin həyata keçirdiyi “İcma səfirləri”
layihəsi çərçivəsində “Ağməmmədli İcma Mərkəzi”nə kompüter, printer
və proyektor verilib.
Mərkəzin gəncləri “İcma səfirləri” qrant müsabiqəsində iştirak
edərək, layihədə qalib olublar.
“Ağməmmədli İcma Mərkəzi”nin təsisçisi Zakir Ayvazlı “Marneuli”
radiosu ilə söhbəti zamanı bildirdi ki, mərkəzin könüllüləri
verilən avadanlıqlarla Ağməmmədli və ətraf kəndlərin sakinlərinə
lazım olan sənədlərin hazırlanmasında pulsuz xidmət göstərə
biləcəklər.
“Bizim mərkəzin gəncləri də layihədə iştirak etdilər və
qalib oldular. "Təmənasız xidmət, icma üçün" ləyihəsini
yazmışdılar. Layihənin əsas məqsədi icmaya pulsuz xidmət
göstərməkdir. Əhaliyə lazım olan sənədlərin pulsuz çap edilməsi,
hər hansı ərizə və sənədlərin hazırlanması, tərcümə edilməsi,
internet xidmətləri və s. kimi xidmətlərin göstərilməsidir. Artıq
sakinlərə daha yaxşı xidmət göstərə biləcəyik. Bundan əlavə
lahihənin bir məqsədi də var, mərkəzmizin texniki bazasının
təkimləşməsidir. Yəni mərkəzimiz kompüter, printer və proyektor
təmin olundu. Bunlarla mərkəzmizdə daha çox işlər görə biləcəyik.
Əhalimizə daha çox xidmət göstərəcəyik”.
Marneulinin Amerika Guşəsinin həyata keçirdiyi “İcma səfirləri”
layihəsinin maliyyə dəstəyi ABŞ-ın Gürcüstandakı səfirliyidir.