Gürcüstanın Təhsil, Elm və Gənclər Nazirliyi I-XII siniflər proqramını eksternat şəklində keçmək istəyənlər üçün qeydiyyat və imtahan şərtlərini müəyyən edib. Maraqlanan şəxslər 12 iyun 2024-cü il tarixindən 18 iyun 2024-cü il tarixinədək imtahanda iştirak etmək üçün qeydiyyatdan keçə biləcəklər və imtahanlar 21 iyun 2024-cü il - 2 iyul 2024-cü il tarixlərində keçiriləcək.

Şəxsin yaşı eksternat qayda ilə keçəcək sinif şagirdlərinin yaş qrupuna uyğundursa və ya ondan artıqdırsa və əvvəlki sinfin təhsil proqramını keçibsə, imtahan vermək hüququna malikdir.

Qeydiyyatla bağlı yetkinlik yaşına çatmış maraqlı şəxs və ya yetkinlik yaşına çatmayan maraqlı şəxsin qanuni nümayəndəsi aşağıdakı qaydalara riayət etməklə qeydiyyat üçün müəyyən edilmiş müddətlərdə zəruri sənədlərlə birlikdə resurs mərkəzinə müraciət etməlidir:

I Ekstern şəklində ümumi təhsil almaq istəyən şəxs məktəbdə təhsil alırsa - ərizə müvafiq məktəbin fəaliyyət göstərdiyi resurs mərkəzində qəbul edilir;

II Əgər şəxs məktəbdə oxumursa - ərizə şəxsin istəyinə uyğun olaraq istənilən resurs mərkəzində qəbul edilir.

İmtahanlara yazılmaq üçün resurs mərkəzinə təqdim edilməli olan zəruri sənədlərin siyahısı:

a) Yetkinlik yaşına çatmış maraqlı şəxsin və ya yetkinlik yaşına çatmayan maraqlı şəxsin qanuni nümayəndəsinin eksternat təhsili formasında təhsil almaq üçün ərizəsi, burada aşağıdakı məlumatlar göstərilməlidir:

Eksternat kimi təhsil almaq istəyən şəxsin adı, soyadı və əlaqə məlumatları (ünvan, telefon, e-poçt ünvanı);

Ümumi təhsilin ayrı-ayrı sinfi/sinifləri/semestri, o cümlədən fərdi sinfə/semestrə daxil olan fənn/fənlər, ki, şəxs bunları eksternat formada keçməlidir;

Eksternat kimi təhsil almaq istəyən şagirdin eksternat imtahanından keçmək istədiyi dil;

Eksternat formasında təhsil almaq üçün ərizəçinin zəruri hallarda imtahan verməli olduğu xarici dil/dillər;

Eksternat formasında təhsil almaq üçün milli kurikulumda nəzərdə tutulan fakultativ fənn;

b) Eksternat təhsili almaq istəyən şəxsin doğum haqqında şəhadətnaməsinin və ya şəxsiyyətini təsdiq edən sənədin surəti;

c) Ümumtəhsil fənlərinin ayrı-ayrı sinfini/siniflərini/semestrini eksterna şəklində keçmək üçün imtahana yazıldıqda, həmin şəxsin ümumi təhsil pilləsinin sinfinin/semestrin ümumi təhsil proqramını mənimsədiyini təsdiq edən sənəd.

ç) Şəxs xaricdə təhsil aldıqda, qanunla müəyyən edilmiş qaydada tanınmalı olan müvafiq təhsil proqramını başa vurduğunu təsdiq edən sənəd;

e) Eksternat şəklində orta təhsil səviyyəsinin ayrıca sinfinə/semestrə daxil olan fənni/fənləri keçmək üçün imtahana yazıldıqda, həmin şəxsin ümumi təhsil proqramını keçməli olduğunu təsdiq edən məktəb tərəfindən verilmiş arayış;

Suallarla bağlı Gürcüstanın Təhsil, Elm və Gənclər Nazirliyinin qaynar xətti ilə əlaqə saxlamağınız xahiş olunur: (995 32) 2 200 220.