Dövlət Təhlükəsizliyi Xidmətinin Antikorrupsiya Agentliyinin əməkdaşları Çoxatauri bələdiyyəsinin Baxmaro qəsəbəsində dövlət torpaqlarının qanunsuz satılması və kotteclərin icazəsiz tikilməsi faktı ilə bağlı iki nəfəri saxlayıblar.

İstintaqla müəyyən olunub ki, təqsirləndirilən şəxslərdən biri Baxmaroda dövlətə məxsus torpaq sahəsinin qanunsuz şəkildə verilməsi və həmin ərazidə icazəsiz kottec tikintisinə şərait yaradılması müqabilində vətəndaşdan 11 000 ABŞ dolları tələb edib. Təqsirləndirilən şəxs vətəndaşa vəd verib ki, pul ödənildikdən sonra bələdiyyə strukturları ilə heç bir problem yaşamayacaq.

2025-ci il noyabrın 6-da vətəndaş təqsirləndirilən şəxsə 7 000 ABŞ dolları əvvəlcədən verib. Bundan sonra həmin şəxs “Kurort Baxmaro” QHT-nin direktor müavini ilə görüşüb və aldığı məbləğin bir hissəsini qanunsuz tikintiyə himayədarlıq müqabilində təklif edib. Lakin direktor müavini pulu qəbul etməkdən imtina edib və hüquq-mühafizə orqanlarına baş vermiş hadisə ilə bağlı məlumat verməyib.

Aparılmış gizli istintaq tədbirləri nəticəsində cinayət faktını təsdiqləyən audio və video sübutlar əldə olunub.

İstintaq Gürcüstan Cinayət Məcəlləsinin 19, 180-ci maddəsinin 3-cü hissəsinin “b” bəndi və 376-cı maddənin 1-ci hissəsi ilə aparılır, bu isə böyük məbləğdə dələduzluğa cəhd və ağır cinayət barədə məlumat verməmək deməkdir. Cinayətə görə 6 ildən 9 ilədək azadlıqdan məhrumetmə cəzası nəzərdə tutulur.

Dövlət Təhlükəsizliyi Xidməti bildirir ki, bu cür halların aşkarlanması və qarşısının alınması onun prioritet istiqamətlərindən biridir və vətəndaşlara dövlətə məxsus torpaqları özbaşına ələ keçirməkdən və qanunsuz tikinti aparmaqdan çəkinməyi tövsiyə edir.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.