ABŞ-ın “Bloomberg” nəşri mənbələrə istinadən xəbər verir ki, Türkiyə qarşıdakı altı ay ərzində Ermənistanla quru sərhədinin açılmasını müzakirə etməyi planlaşdırır.

İki ölkə arasındakı sərhəd 1990-cı illərdən bəri bağlıdır. Nəşr məlumatın mənbəyi kimi “məsələdən xəbərdar olan şəxsləri” göstərir, lakin onların kimliyi və vəzifələri barədə açıqlama vermir.

Bloomberg-in mənbələrinin bildirdiyinə görə, Türkiyə yalnız Azərbaycan və Ermənistan arasında sülh sazişi rəsmi şəkildə imzalandıqdan sonra Ermənistana səfir təyin olunmasını və diplomatik münasibətlərin bərpasını nəzərdən keçirir. Eyni mənbələr Ankaranın bu sazişin 2026-cı ilin ilk yarısında imzalanacağını gözlədiyini qeyd edir.

Türkiyənin xarici işlər naziri Hakan Fidan ötən ay açıqlamasında bildirib ki, Azərbaycan və Ermənistan arasında sülh sazişi yekunlaşdırılmadan Türkiyə Ermənistanla sərhədi açmayacaq. Onun sözlərinə görə, əgər indi münasibətlər normallaşdırılarsa, Ermənistanın sülh sazişini imzalaması üçün əsas motivasiyası aradan qalxmış olacaq.

Ötən şənbə günü Türkiyə və Ermənistan səfirləri sərhəd keçid məntəqələrindən birinə baxış keçiriblər. Onlar həmçinin Ermənistanın Gümrü şəhərinə səfər edərək Qars–Gümrü dəmir yolunun bərpası ilə bağlı planları müzakirə ediblər. Bu barədə Türkiyənin Xarici İşlər Nazirliyi məlumat yayıb. Mənbələrin bildirdiyinə görə, dəmir yolu relslərinin dəyişdirilməsi prosesi təxminən beş ay çəkə bilər. Yerli hakimiyyət nümayəndələrinin sözlərinə görə isə Türkiyə həmin ərazidə sərhəd patrulu üçün yeni yollar da inşa edir.

Xatırladaq ki, 1991-ci ildə Ermənistan müstəqilliyini elan etdikdən sonra iki ölkə arasında diplomatik münasibətlər qurulmuşdu. Lakin 1993-cü ildə Birinci Qarabağ müharibəsi zamanı Ankara İrəvanla əlaqələri kəsdi və bundan sonra ölkələr arasında nə diplomatik, nə də kommersiya münasibətləri qaldı. İkinci Qarabağ müharibəsindən sonra, 2021-ci ildə tərəflər münasibətlərin normallaşdırılması üçün xüsusi nümayəndələr təyin etdilər. 2025-ci il avqustun 8-də isə ABŞ prezidenti Donald Trampın təşəbbüsü ilə Vaşinqtonda Azərbaycan və Ermənistan liderlərinin iştirakı ilə sülh sammiti keçirildi və burada üçtərəfli və ikitərəfli razılaşmalar imzalandı. Həmin sammitdə “Trampın Beynəlxalq Sülh və Rifah Marşrutu” (TRIPP) adlı nəqliyyat dəhlizi layihəsi də elan olundu.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.