“Gürcü Arzusu” hökumətinin xarici işlər naziri Maka Boçorişvili son bir il ərzində artıq yeddinci dəfə macarıstanlı həmkarı Peter Siyarto ilə görüşüb.

Bu dəfə görüş Vyanada, ATƏT-in (OSCE) Nazirlər Şurası çərçivəsində baş tutub. Bu isə Avropa İttifaqının Gürcüstan hökuməti ilə yüksək səviyyəli əlaqələri dayandırdığı bir vaxta təsadüf edir.

Vyanada keçirilən nazirlər toplantısı çərçivəsində Boçorişvili Türkiyə, Tacikistan, Slovakiya və Lüksemburq xarici işlər nazirləri ilə də görüşlər keçirib.
Bir gün əvvəl isə o, ATƏT-in baş katibi və mətbuat azadlığı üzrə nümayəndəsi ilə də görüşüb.

Macarıstan – yeddinci görüş

4 dekabr tarixində keçirilən görüşdə Maka Boçorişvili və Peter Siyarto Gürcüstan–Macarıstan münasibətlərinin gündəliyində olan məsələləri və dialoqun daha da dərinləşdirilmə perspektivlərini müzakirə ediblər. XİN-in mətbuat xidmətinin məlumatına görə, son dövrdə baş verən siyasi proseslərə xüsusi diqqət yetirilib.

Həmçinin Gürcüstan–Avropa İttifaqı münasibətləri də müzakirə olunub:
“Macarıstanın Gürcüstanın prioritetlərinə verdiyi möhkəm dəstək minnətdarlıqla qeyd olunub. Avrointeqrasiya prosesində Macarıstanın siyasi və ekspert səviyyəsində dəstəyinin davam etməsinin vacibliyi vurğulanıb.”

Nazirlər mütəmadi dialoqun daha da gücləndirilməsinə hazır olduqlarını bildiriblər və beynəlxalq aktual məsələlər ətrafında fikir mübadiləsi aparıblar.

Maka Boçorişvili 25 noyabr 2024-cü ildə vəzifəyə təyin edilib və bir il ərzində 7 dəfə Macarıstanın xarici işlər naziri ilə görüşüb:
• 31 oktyabr – Səmərqənd (UNESCO tədbiri)
• 23 sentyabr 2025 – Nyu-York (BMT Baş Assambleyası)
• 11 iyun – Budapeşt (hökumətlərarası sammit)
• 14 may – Lüksemburq (Avropa Şurası Nazirlər toplantısı)
• 24 mart – Macarıstan
• 10 dekabr 2024 – Macarıstan (xarici işlər naziri kimi ilk rəsmi səfər)

Lüksemburq

Boçorişvili Vyanada Lüksemburqun baş nazir müavini və xarici işlər naziri Ksavyer Betel ilə də görüşüb. O, Lüksemburqun ilk açıq şəkildə gey olan keçmiş baş naziri olub.

Görüşdə:
• ikitərəfli və çoxtərəfli əməkdaşlıq,
• onun inkişaf perspektivləri,
• Rusiya–Gürcüstan münaqişəsi, regiondakı proseslər və təhlükəsizlik məsələləri müzakirə edilib.

Slovakiya

Slovakiyanın xarici işlər naziri Yuray Blanar ilə görüşdə:
• Gürcüstan–Slovakiya arasında möhkəm dostluq münasibətləri,
• siyasi dialoqun dərinləşdirilməsi,
• qarşılıqlı rəsmi səfərlərin artırılmasının vacibliyi vurğulanıb.
Boçorişvili Slovakiyanın Gürcüstanın Avropa gələcəyinə verdiyi dəstəyə görə təşəkkürünü bildirib.

Tacikistan

Boçorişvili Tacikistanın xarici işlər naziri Sirojiddin Muhriddin ilə də görüşüb. Görüşdə:
• siyasi,
• iqtisadi,
• mədəni-humanitar sahələr,
• hüquqi əməkdaşlıq,
• beynəlxalq təşkilatlar çərçivəsində əməkdaşlıq məsələləri müzakirə olunub.
Rəsmi məlumata görə:
• 2024-cü ildə Gürcüstan–Tacikistan ticarət dövriyyəsi 34,1 milyon dollar olub,
• 2025-ci ilin 10 ayında isə bu rəqəm 133 milyon dolları keçib.
Nazirlər həmçinin “Orta Dəhliz”in Asiya ilə Avropa arasında əlaqədə artan rolunu müzakirə ediblər.

Türkiyə

Türkiyənin xarici işlər naziri Hakan Fidan Boçorişviliyəyə türk hərbi təyyarəsinin qəzaya uğraması zamanı göstərilən dəstəyə görə təşəkkür edib.
Görüşdə:
• Gürcüstan–Türkiyə arasında möhkəm strateji tərəfdaşlıq,
• Yüksək səviyyəli və sahəvi səfərlərin aktivliyi,
• Regional təhlükəsizlik və sabitlik məsələləri,
• Türkiyənin Gürcüstanın ərazi bütövlüyü və suverenliyinə dəstəyi bir daha təsdiqlənib,
• Həmçinin “Orta Dəhliz” layihəsi müzakirə olunub.

 

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.