Gürcüstanda həm 11-ci sinfi, həm də 12-ci sinfi bitirmə haqqında attestatlar veriləcək, lakin onların hər ikisi hüquqi baxımdan eyni qüvvəyə malik olacaq.

12 illik attestat şagirdlərə onunla xaricdə təhsil almaq imkanı da verəcək. Bu barədə Təhsil, Elm və Gənclər naziri Qivi Mikanadze açıqlama verib.

Nazirin sözlərinə görə, özəl məktəblərdə də təhsil 11 illik olacaq, lakin dövlət məktəblərindən fərqli olaraq, bütün özəl məktəblərdə 12-ci sinif seçimi saxlanılacaq. O bildirib ki, 11 illik təhsil şagirdlərə tam orta ümumi təhsil verir və şagirdlərin məktəbdə artıq vaxt itirmələri istənilmir. Bununla yanaşı, 12-ci sinfi oxumaq istəyənlər üçün xüsusi mexanizm tətbiq ediləcək. Hər il mart ayında açıq qeydiyyat elan olunacaq və 11-ci sinfi bitirən şagirdlər könüllü şəkildə 12-ci sinif üçün qeydiyyatdan keçə biləcəklər. Şagird əvvəlcə 11-ci sinif attestatını alacaq, sonra qeydiyyata əsasən 12-ci sinfə qəbul ediləcək və sonda 12-ci sinif attestatını da əldə edəcək. Hər iki attestat Gürcüstanda eyni hüquqi qüvvəyə malik olacaq.

Nazirin sözlərinə görə, xaricdə bakalavr təhsili almaq istəyənlər üçün 12 illik attestat daha uyğun hesab olunur. O həmçinin vurğulayıb ki, istər 11 illik, istərsə də 12 illik təhsil Bolonya prosesi ilə ziddiyyət təşkil etmir.

Qivi Mikanadze “bir şəhər – bir fakültə” prinsipinin mənasını da izah edib. Onun sözlərinə görə, iki əsas təhsil mərkəzi olacaq – Tbilisi və Kutaisi. Bütün əsas fakültələr bu iki şəhərdə cəmləşdiriləcək. Hüquq fakültəsi nümunəsində nazir bildirib ki, hüquq fakültəsi ənənəvi olaraq Tbilisi Dövlət Universitetində fəaliyyət göstərir və ehtimal ki, əsas mərkəz də elə burada qalacaq.

Bu səbəbdən növbəti tədris ilindən etibarən “İliauni”, Suxumi Dövlət Universiteti və Gürcüstan Texniki Universiteti hüquq fakültələrinə artıq yeni tələbə qəbulu elan edə bilməyəcək. Bununla belə, bu fakültələr bağlanmır və hazırda orada təhsil alan tələbələr təhsillərini başa vura biləcəklər. Eyni zamanda həmin tələbələrə müsabiqəsiz köçürülmə imkanı da təqdim olunacaq, məsələn, Texniki Universitetdən Tbilisi Dövlət Universitetinə.

Nazir qeyd edib ki, bazarın tələbatına uyğun olaraq hüquq fakültələrində əlavə kadr ehtiyacı da yarana bilər. Onun sözlərinə görə, əsas məqsəd təhsilin keyfiyyətini mərkəzləşdirilmiş şəkildə artırmaq və əmək bazarının real tələblərinə uyğun kadr hazırlamaqdır. Mikanadze vurğulayıb ki, bazarın tələbləri nəzərə alınmasa, bəzi sahələrdə artıq kadr bolluğu, digər sahələrdə isə kadr çatışmazlığı yaranacaq. Bazar daim dəyişir və təhsil sistemi bu dəyişikliklərə uyğunlaşmalıdır.

Mənbə: BPN

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.