“Vəkillər Assosiasiyası”nın sədrini seçmək üçün ikinci tur keçiriləcək.

İkinci turda iki namizəd — İrakli Çomaxaşvili və İrakli Qandaşvili iştirak edəcək.

Seçkilərin ikinci turu növbəti 14 gün ərzində baş tutmalıdır.

14 dekabrda keçirilən seçkilərin birinci turunun yekun protokoluna əsasən, İrakli Çomaxaşvili 1106 səs, İrakli Qandaşvili isə 1269 səs toplayıb. Bu isə o deməkdir ki, namizədlərdən heç biri qanunvericiliklə müəyyən edilmiş zəruri səs sayını — sadə çoxluğu (50% + 1 səs) toplaya bilməyib.

Seçkilərdə ümumilikdə 2752 vəkil iştirak edib. Birinci turda qələbə üçün 1376 səs lazım idi.

İcra Şurası, Etika Komissiyası və Reviziya Komissiyası artıq seçilib.

İkinci turda ən çox səs toplayan namizəd seçilmiş hesab olunacaq.

Eyni zamanda, Avropa yönlü aksiyalarda saxlanılan şəxslərin vəkili olan İrakli Çomaxaşvili seçkilərə bir neçə saat qalmış sosial şəbəkədə yazıb:

“Son bir həftə ərzində mənə və komandama qarşı çox ağır, peşəkar etikaya zidd hücumlar aparılmasına baxmayaraq, ümid edirəm ki, sabahkı seçkilər demokratik prinsiplərə tam uyğun şəkildə keçiriləcək. Hamımız razıyıq ki, assosiasiyada dəyişikliklər zəruri və qaçılmazdır. Dəyişiklik isə yeni komanda və birliklə başlayır. Məhz bu prinsipə əsaslanaraq vurğulayıram ki, qalib gəldikdən sonra ikinci müddətə namizədliyimi irəli sürməyəcəyəm.”

“Vəkillər Assosiasiyası” və “Gürcü Arzusu” tərəfindən dəstəkləndiyi deyilən namizəd İrakli Qandaşvilinin sözlərinə görə, “Vəkillər Assosiasiyasının siyasiləşməsinə heç kim nail ola bilməyəcək”.

Mediada yayılan məlumatlara əsasən, İrakli Qandaşvilini dəstəkləmək üçün regionlardan hüquqşünaslar mikroavtobuslarla paytaxta gətirilib.

Seçkilərin birinci turunda “Vəkillər Assosiasiyası”nın sədri vəzifəsi uğrunda altı namizəd mübarizə aparıb: Nikoloz Kvantrişvili, Qiorqi Mariamidze, Muxrani Kurtskaia, İrakli Qandaşvili, İrakli Çomaxaşvili və Manuçar Çumburidze.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.