Audit Xidməti 2020-2022-ci illərdə “Kəndə Dəstək Proqramı”nın icrasının effektivliyi ilə bağlı audit hesabatını yayımlayıb. Hesabata görə, 2020, 2021 və 2022-ci illərdə Marneuli kəndlərinin bir hissəsində keçirilən yığıncaq və ya məsləhətləşmələr qərar qəbul etmək üçün səlahiyyətli olmayıb. Eyni zamanda həmin illərdə protokollarda göstərilən iştirakçıların sayı ilə imza atanların sayı üst-üstə düşməyib.

“Audit qrupu meriyaların təqdim etdiyi kənd yığıncaqlarında

iştirak göstəriciləri ilə bağlı məlumatları araşdırıb. Araşdırma nəticəsində məlum olub ki, 2020-ci ildə 41 bələdiyyənin 428 yaşayış məntəqəsində (ümumi yaşayış məntəqələrinin 14,1 faizi), 2021-ci ildə 45 bələdiyyənin 583 yaşayış məntəqəsində (18,8 faiz) və 2022-ci ildə 42 bələdiyyənin 599 yaşayış məntəqəsində (20,2 faiz) keçirilən ümumi yığıncaq və ya məsləhətləşmələr qərar qəbul etmək üçün səlahiyyətli olmayıb”, – audit hesabatında qeyd olunub.

Audit hesabatında hansı bələdiyyənin neçə kəndində belə halların baş verdiyi ayrıca göstərilməyib. Məlumatlar ümumi şəkildə təqdim olunub, lakin həmin bələdiyyələr arasında Marneuli də qeyd edilir.

“Qeyd olunmalıdır ki, müəyyən edilmiş minimum iştirak həddinin formal olaraq qorunduğu yaşayış məntəqələrində belə təqdim olunan məlumatların düzgünlüyü risk doğurur. Belə ki, yığıncaqlarda iştirak edən sakinlərin sayı çox güman ki, protokollarda göstəriləndən daha az olub. Bu isə bələdiyyələr tərəfindən təqdim olunan fotoşəkillər və internet məkanında yayılan foto və video materiallarla təsdiqlənir. İştirakçı sayının müəyyən edilməsi qaydasının sənədlərdə qorunduğu yaşayış məntəqələrində orta göstərici 2020-ci ildə 16,2 faiz, 2021-ci ildə 16,4 faiz, 2022-ci ildə isə 15,7 faiz olub. Əksər hallarda kənd yığıncaqları və məsləhətləşmələrdə iştirak edənlərin sayı artmayıb və ümumi əhali sayına nisbətdə vətəndaşların iştirakı aşağı səviyyədə qalıb”, – auditin hesabatında qeyd edilir.

Hesabata görə, həmçinin müəyyən olunub ki, bələdiyyələr proqramda iştirak edən şəxslərin sayını lazımi qaydada qeydiyyata almırdılar. Bəzi protokollarda ümumiyyətlə iştirakçıların sayı göstərilməyib, bəzi bələdiyyələr isə kənd yığıncaqları və məsləhətləşmələrdə iştirak edənlərin imzalarını təqdim edə bilməyib.

Audit dövründə Marneuli bələdiyyəsində də bəzi hallarda protokollarda göstərilən iştirakçı sayı ilə imzaların sayı bir-birinə uyğun gəlməyib.

Bundan əlavə, Marneuli bələdiyyəsi 2022-ci ildə görüşlərin ayrı-ayrı kəndlər üzrə deyil, inzibati vahidlər üzrə və ya bir neçə yaşayış məntəqəsi üçün birlikdə keçirildiyi 9 bələdiyyə arasında yer alıb.

Audit Xidməti bələdiyyələrə tövsiyə edir ki, “Kəndə Dəstək Proqramı”nın icrası zamanı əhalinin düzgün məlumatlandırılması və daha yüksək iştirakın təmin edilməsi üçün əlavə prosedurlar tətbiq etsinlər. Bunun üçün müxtəlif informasiya platformalarından maksimum istifadə olunmalı, həmçinin rəsmi veb-saytlarda və sosial şəbəkələrdə məlumatlar mütəmadi olaraq yenilənməlidir.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.