Bolnisili fəal Nurəddin Nəbiyevə qarşı həyata keçirilən hücum faktı ilə bağlı Daxili İşlər Nazirliyi bir nəfəri saxlayıb. DİN-in yayımladığı məlumata görə, zorakılıq və qəsdən sağlamlığa az ağır zərər vurma ittihamı ilə 2005-ci il təvəllüdlü A.K. saxlabılıb.

“İstintaqla müəyyən edilib ki, təqsirləndirilən şəxs Bolnisi bələdiyyəsinin kəndlərindən birində mübahisə zəminində 1994-cü il təvəllüdlü N.N.-ya qarşı fiziki zorakılıq tətbiq edib. Yaralı şəxs müvafiq tibbi yardım göstərilməsi üçün xəstəxanaya yerləşdirilib” – Daxili İşlər Nazirliyinin bəyanatında qeyd olunub.

İstintaq Cinayət Məcəlləsinin 118-ci və 126-cı maddələri ilə aparılır ki, bu da 4 ilə qədər azadlıqdan məhrumetməni nəzərdə tutur.


Xatırladaq ki, Bolnisili fəal Nurəddin Nəbiyev "Marneuli" radiosuna bildirib ki, “Gürcü Arzusu”nun nümayəndələri tərəfindən fiziki hücuma məruz qalıb. Nəbiyevin sözlərinə görə, bu gün, 15 aprel tarixində, ona məxsus çay evinə 9 nəfər daxil olub, onun Nurəddin Nəbiyev olub-olmadığını soruşublar və təsdiqləyici cavab aldıqdan sonra ona fiziki zorakılıq tətbiq ediblər. Nəbiyev ona qarşı törədilən bu hücumu fəaliyyəti və siyasi baxışları ilə əlaqələndirir.

“9 nəfər içəri girdi. Üzlərini xatırlamıram. Həmin vaxt Bolnisi bələdiyyəsinin Böyük Muğanlı kəndindəki çay evində işləyirdim. Adımı soruşdular, sahibkarın mən olub-olmadığımı dəqiqləşdirdilər, “bəli” deyən kimi doqquzu da birdən mənə zərbələr endirməyə başladılar. Hesab edirəm ki, bu insanlar xüsusi olaraq meriyadan və İran tərəfdarları tərəfindən göndəriliblər. Yarısı meriyadan, yarısı isə İran tərəfdarları idi. Hücum edənlər arasında azyaşlı uşaqlar da var idi”, – Nurəddin Nəbiyev bildirdi.

Onun sözlərinə görə, dodağına beş tikiş qoyulub və kəllə-beyin travması alıb. O, Bolnisidəki xəstəxanalardan birinə yerləşdirilib.

Nəbiyev bildirir ki, bir neçə gün əvvəl də Ayətullah Əli Xameneyi haqqında verdiyi bəyanatlara görə hücuma məruz qalıb. O, qeyd edir ki, sosial şəbəkədə yazdığı şərh müəyyən şəxsləri qıcıqlandırıb və Otar Bayramov adlı şəxs ona qarşı şəxsən fiziki zorakılıq tətbiq edib.

Hücuma gəlincə, Nurəddin bu faktı həm də dərman çatışmazlığı və qiymətlərin artımı ilə bağlı verdiyi bəyanatlarla əlaqələndirir. O, qeyd edir ki, dünən, 14 aprel tarixində bu problemlə bağlı video müraciət yayımlayıb və məhz bundan sonra hücuma məruz qalıb. Nurəddin Nəbiyev bugünkü hadisədə “Gürcü Arzusu”nun nümayəndələrini və Parlament üzvü Zaur Darğallını ittiham edir.

“Marneuli” radiosu Zaur Darğallı ilə əlaqə saxlamağa çalışsa da, o, zənglərimizə cavab vermədi. “Marneuli” radiosu Daxili İşlər Nazirliyindən əlavə təfərrüatları dəqiqləşdirir.

Qeyd edək ki, Nurəddin Nəbiyev 2025-ci il yerli özünüidarəetmə seçkilərində “Lelo” partiyasının proporsional siyahısı ilə iştirak edib. O, Bolnisi bələdiyyəsində mövcud olan problemlər barədə fəal şəkildə danışır və tez-tez bələdiyyənin ehtiyacları ilə bağlı video və foto materiallar dərc edir.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.