Amerikalı respublikaçı konqresmen Co Uilson sentyabrın 8-də Milli Statistika Xidməti tərəfindən dərc edilmiş ilkin məlumatlara münasibət bildirib.

Həmin məlumatlara əsasən, Gürcüstanda birbaşa xarici investisiyaların həcminə görə Çin birinci yerdədir.

“Çin Kommunist Partiyası Gürcüstandakı investisiyaların həcminə görə Böyük Britaniyanı geridə qoyub. Buna “Gürcü Arzusu”nun anti-Amerika rejimi imkan yaradıb. Çin Kommunist Partiyasının (CCP) “investisiyaları” həmişə zərərlidir və ölkəyə

nəzarəti ələ keçirməyə xidmət edir. “Gürcü Arzusu” Gürcüstanı Çin Kommunist Partiyasına satır!” – deyə Co Uilson yazıb.

Çin Gürcüstanın ən böyük investoru olub
2026-cı ilin ikinci rübündə Gürcüstanda həyata keçirilən birbaşa xarici investisiyaların həcmi ötən ilin eyni dövrü ilə müqayisədə 23,2% azalıb.

Milli Statistika Xidmətinin məlumatına görə, aprel-iyun aylarında Gürcüstana 468,8 milyon ABŞ dolları həcmində birbaşa xarici investisiya qoyulub. 2025-ci ilin ikinci rübündə bu göstərici 610,6 milyon dollar olub.

Çindən Gürcüstana 219,5 milyon dollar həcmində birbaşa xarici investisiya qoyulub ki, bu da ümumi həcmin 46,8%-ni təşkil edir.

Ən böyük investor ölkələrin ilk üçlüyü belədir:
• Çin – 219,5 milyon dollar (46,8%);
• Böyük Britaniya – 123,5 milyon dollar (26,3%);
• Birləşmiş Ərəb Əmirlikləri – 47,7 milyon dollar (10,2%).

Milli Statistika Xidmətinin məlumatına görə, Çindən investisiyalar kəskin artıb. 2025-ci ilin ikinci rübündə bu ölkənin göstəricisi mənfi olub və -21,6 milyon dollar təşkil edib, 2026-cı ilin birinci rübündə isə Çindən 16,4 milyon dollar həcmində investisiya qoyulub.

Çindən investisiyaların kəskin artması böyük ehtimalla “Basisbank”ın “Liberty Bank”ı satın alması ilə bağlıdır. Fond birjasının məlumatına görə, Çinin “Hualing Group” şirkətinə məxsus “Basisbank” “Liberty Bank”dakı pay üçün 674 milyon laridən çox (təxminən 250 milyon dollar) ödəyib.

Çinlə strateji tərəfdaşlıq
“Gürcü Arzusu” hökuməti dövründə son illərdə Gürcüstanla Çin arasında siyasi və iqtisadi münasibətlər əhəmiyyətli dərəcədə dərinləşib.

2023-cü ilin iyulunda, həmin vaxt baş nazir olan İrakli Qaribaşvilinin Çinə səfəri zamanı Tbilisi və Pekin strateji tərəfdaşlıq qurublar. Birgə bəyanatda siyasi və iqtisadi əməkdaşlıqla yanaşı, müxtəlif sahələrdə əlaqələrin dərinləşdirilməsi də nəzərdə tutulurdu.

2023-cü ilin sentyabrından Gürcüstan Çin vətəndaşları üçün vizasız rejim tətbiq edib, 2024-cü ilin mayından isə Çin Gürcüstan vətəndaşları üçün də vizasız gediş-gəliş rejimi tətbiq edib.

2026-cı ilin iyununda Tbilisi və Pekin münasibətləri daha yüksək – “hərtərəfli strateji tərəfdaşlıq” səviyyəsinə yüksəldiblər.

Çinlə münasibətlərin dərinləşməsi Gürcüstanın ənənəvi Qərb tərəfdaşları ilə münasibətlərin kəskin pisləşməsi fonunda baş verir.

Avropa İttifaqının qiymətləndirməsinə görə, Gürcüstan hökumətinin seçdiyi kurs səbəbindən ölkənin Aİ-yə üzvlük prosesi 2024-cü ildə de-fakto dayandırılıb.
Daha sonra, 2024-cü il noyabrın 28-də “Gürcü Arzusu” hökuməti bəyan edib ki, 2028-ci ilədək Avropa İttifaqına üzvlüklə bağlı danışıqların başlanması məsələsini gündəmə gətirməyəcək.

ABŞ-la münasibətlər də pisləşib. 2024-cü il noyabrın 30-da Vaşinqton ABŞ-Gürcüstan strateji tərəfdaşlığını dayandırıb. Dövlət Departamenti bu qərarı “Gürcü Arzusu”nun antidemokratik addımları və Gürcüstanın Avropa İttifaqına üzvlük prosesinin dayandırılması ilə əlaqələndirib.

Uilsonun tənqidi
79 yaşlı Co Uilson “Gürcü Arzusu” hökumətinin ən kəskin tənqidçilərindən biridir. O, Tbilisini Moskva, Pekin və Tehranla fəallaşan ticarət və siyasi əlaqələrə görə tənqid edir, “Gürcü Arzusu”na və hökumət rəhbərlərinə qarşı sərt sanksiyaların tətbiq edilməsini tələb edir və bu istiqamətdə bir sıra təşəbbüslərin, o cümlədən “Dost Aktı”nın müəllifidir.

Gürcüstan hakimiyyəti Uilsonun tənqidini qərəzli hesab edir və onu Gürcüstan müxalifəti ilə əlaqəli siyasətçi kimi təqdim edir.

 

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.