Braziliyada son 24 saat ərzində koronavirus səbəbindən 1 086 nəfər
vəfat edib ki, bununla da vəfat edənlərin ümumi sayı 25 598-ə çatıb
- bu haqda məlumatı Braziliyanın Səhiyyə Nazirliyinin verdiyi
məlumat əsasında “Reuters” yayıb.
Agentliyin bildirdiyinə görə, ölkədə son 24 saat ərzində Covid-19-a
daha 20 599 nəfərin yoluxduğu öz təsdiqini tapıb ki, bununla da
yoluxanların ümumi sayı 411 821-ə çatıb.
Xatırladaq ki, yoluxanların sayına görə, Braziliya ABŞ-dan sonra
ikinci yeri tutur.