Marneulidə Gürcüstanın Birinci Kanalının çəkiliş qrupuna da hücum
olub. Hadisə zamanı avadanlıqlar sındırılıb və operator xəsarət
alıb.
Bu barədə məlumatı Birinci Kanal yayıb.
Kanalın jurnalistinin verdiyi xəbərə görə, hadisə "Gürcü Arzusu" və
"Vahid Milli Hərəkat" partiyasının fəalları arasında qarşıdurma
zamanı baş verib.
Hadisə iştirakçılarının biri Gürcüstanın Birinci Kanalının
operatoruna hücum edərək onu döyüb və kameranı sındırıb.
Gürcüstanın Birinci Kanalının çəkiliş qrupu hazırda polis
tərəfindən dindirilir.