Xəstəliklərə Nəzarət Milli Mərkəzinin rəhbəri Amiran Qamkrelidzenin
sözlərinə görə, son 24 saat ərzində ölən 14 xəstənin hamsının ən
azı 61 yaşı var idi.
Bununla belə, onun hökumət administtrasiyasındakı brifinqdə qeyd
etdiyinə görə, ümumiyyətlə, ölkədə koronavirusdan ölən xəstələrin
əksəriyyətinin xroniki xəstəlikləri olub.
Bundan əlavə, Amiran Qamkrelidze "qırmızı zona"-ya keçməyin nə
demək olduğunu izah edib və yalnız "nöqtəvi" məhdudiyyətlərin
olacağını vurğulayıb.
"Daxili iş üçün "dörd rəngli işıqfordan" istifadə edirik. Son iki
həftənin ortalamasını hər 100 000 vətəndaşa düşən yoluxma
hallarının sayına görə hesablayırıq. İndi "qırmızı zonaya" keçdik.
Bu rənglərə görə neçə yatağın lazım olduğuna, nə qədər həkimin işə
cəlb olunduğuna, hansı ləvazimatlara sahib olmağımıza və s.
baxırıq. "Sarı" və "narıncı" zonalara keçdiyimiz zaman, bilirsiniz,
Acarıstanda məhdudiyyətlər tətbiq etdik, bir neçə şəhərdəki
restoranlar saat 22:00-dan etibarən bağlandı və s. Yalnız "nöqtəvi"
məhdudiyyətlər olacaq, tam "bağlanma" olmayacaq", –
deyə Qamkrelidze bildirib.