2020-ci ildə Gürcüstandan dəfnə də daxil olmaqla ədviyyat ixracatı
artıb. Ölkədən ümumilikdə 11,034 milyon dollar dəyərində zəncəfil,
zəfəran, kəklikotu, dəfnə yarpağı və digər ədviyyatlar ixrac
edilib.
2019-cu ildə ədviyyat ixracatının dəyəri 10,670 milyon dollar
təşkil edib.
"BusinessPressNews" Gürcüstan Statistika Xidmətinin rəsmi
məlumatları əsasında 2020-ci ildə ən çox ədviyyat ixrac edilən
ölkələri təqdim edib:
- Rusiya – 4,159 milyon dollar
- Çin – 3,582 milyon dollar
- Qazaxıstan – 327,7 min dolları
- Filippin – 187,5 min dollar
- Ermənistan – 173 min dollar.
Məlumat üçün bildirək ki, Gürcüstandan ədviyyat ixracatı hər il
artır. 2016-cı ildə ölkədən 7,650 milyon dollar, 2017-ci ildə 7,921
milyon dollar, 2018-ci ildə 8,567 milyon dollar, 2019-cu ildə
10,670 milyon dollar və 2020-ci ildə 11,034 milyon ABŞ dolları
dəyərində məhsul ixrac olunub.