Telavi Bələdiyyəsinin Şilda kəndində baş verən avtomobil qəzasında
bir piyada həyatını itirib.
Avtomobil qəzası gecə saatlarında baş verib. Yetkinlik yaşına
çatmayan şəxs yük maşını tərəfindən vurulub və aldığı xəsarət
nəticəsində yerindəcə keçinib.
Yük maşınının sürücüsü artıq həbs olunub.
Daxili İşlər Nazirliyindən Report.ge-yə verilən məlumata əsasən,
faktla bağlı, Gürcüstan Cinayət Məcəlləsinin insan tələfatı ilə
nəticələnən nəqliyyat vasitəsinin hərəkəti və ya istismarı
qaydalarının pozulmasını nəzərdə tutan 276-cı maddəsinin 6-cı
hissəsinə əsasən istintaq başladılıb.
Mənbə: report.ge