Baş-nazir Qiorqi Qaxarianın sözlərinə görə 28 yanvar tarixinə olan
məlumata görə koronavirusla bağlı müsbət halların göstəricisi 4%-ə
yaxındır və əgər bu göstərici bir həftə ərzində olduğu kimi
qalarsa, hökumət “ehtiyatla,
ancaq düşünülmüş şəkildə” iqtisadiyyatı aça və məhdudiyyətləri
anons edildiyindən daha tez götürə bilər. Qaxaria bu barədə hökumət
iclası başlayana qədər bildirib.
“Bu günə olan məlumata görə demək olar ki, dünən
götürülmüş 18 min testdən yalnız 723-ü müsbətdir. Əlbəttə, bu bizim
üçün böyük rəqəmdir. Ancaq artıq 4%-ə yaxındır. Xüsusilə qeyd etmək
istəyirəm ki, müsbət göstəricilər 4% olan zaman, daha da ehtiyatla
ancaq düşünülmüş şəkildə iqtisadiyyatı aça bilərik və görünür
bugünkü göstəricilər bizə ehtiyatlı optimizm imkanı yaradır. Ona
görə biz bu gün müzakirəyə başlamalıyıq. Əgər bu tendensiya yaxın
bir həftə ərzində olduğu kimi qalarsa, yayda etdiyimiz kimi,
mərhələli açılışlara bir az tez başlaya bilərik”, –
Qaxaria bildirib.
Onun sözlərinə görə hökumət Tbilisi, Kutaisi və Rustavidə təhsil
müəssisələri və bələdiyyə nəqliyyatının bərpası barədə mərhələli
müzakirə aparacaq.
“İlk növbədə bu məhdudiyyətlərin götürülməsi təhsil
müəssisələrinə aiddir. Uşaqlara sinif otağında tədris prosesinə
başlamaq imkanı verək. Əlbəttə, bununla yanaşı bələdiyyə
nəqliyyatının bərpası məsələsi də var. Bu barədə mərhələli şəkildə
müzakirə aparmalıyıq ki, bu gün birgə zəhmətimiz nəticəsində əldə
etdiyimiz epidemiyanın idarəsini risk altında
qoymayaq”, – Qaxaria bildirdi.
26 yanvar tarixidnə Gürcüstanın Baş-naziri Qiorqi Qaxaria bildirib
ki, əgər Tbilisidə koronavirusa yoluxma hallarının göstəricisi
yaxın bir həftə ərzində 4%-ə enərsə, hökumət bələdiyyə
nəqliyyatının hərəkətini bərpa edəcək və iqtisadiyyatın açılması
barədə söhbətlərə başlayacaq.