24 may tarixində, gecə saatlarında, Marneulidə gənc kişi qətlə
yetirilib.
23 yaşlı kişini Bakı küçəsində qonşusu öldürüb.
Dünyasını dəyişən şəxsin qonşuları mübahisəyə nəyin səbəb olduğu
barədə “Marneuli” radiosuna müsahibə vermədilər.
“Kiminsə ad günü idi, süfrə açılmışdı və hər ikisi orada idi. İkisi
də içkili vəziyyətdə idi. Sonra kənara çəkiliblər və bıçaqla
xəsraət yetirilib”, - qonşu bildirdi.
Onun sözlərinə görə, dünyasını dəyişən şəxs boğaz nahiyəsindən
xəsarət alıbmış.
Qətldən bir az sonra mərhumun yaxınları 23 yaşlı oğlana ölümcül
xəsarət yetirmiş şəxsin evini yandırmağa cəhd göstəriblər.
Bu gün, 25 may tarixində qonşusuna ölümcül xəsarət yetirmiş şəxsin
yaşadığı evə bir neçə polis briqadası səfərbər edilib.
Daxili İşlər Nazirliyinin bu gün yayımladığı məlumata görə, qətldə
ittiham olunan şəxs hadisədən qısa müddət sonra saxlanılıb.
“Daxili İşlər Nazirliyinin Kvemo Kartli Polis
Departamentinin əməkdaşları isti izlərlə aparılan operativ istintaq
tədbirləri nəticəsində 1990-cı il təvəllüdlü, keçmişdə məhkumluq
həyatı yaşamış A.M.-nı qəsdən adam öldürmə ittihamı ilə
saxlayıb.
İstintaq nəticəsində aydın olub ki, sərxoş vəziyyətdə olan müttəhim
Marneuli şəhərində mübahisə zamanı qonşuluqda yaşayan yaxını,
1998-ci il təvəllüdlü R.Q.-ya soyuq silahla xəsarət yetirib və
hadisə yerindən qaçıb. Yaralanmış kişi yerindəcə dünyasını
dəyişib”, – DİN bildirir.
Faktla bağlı Cianyət Məcəlləsinin 180-ci maddəsi ilə istintaq
aparılır. Həmin maddə 7 ildən 15 ilə qədər azadlıqdan məhrumetməni
nəzərdə tutur.