10 iyun tarixində Marneuli Təhsil Resurs Mərkəzinin rəhbər
səlahiyyətlərini icra edən Zabil Qocayev şəxsi həyatla bağlı sirrin
qanunsuz əldə edilməsi və saxlanılması ittihamı ilə həbs
edilib.
Zabil Qocayevin saxlanıldığı gündən “Marneuli” radiosu yerli
özünüidarənin vəzifəli şəxslərindən müsahibə almağa və onların
Resurs Mərkəzin rəhbərinin saxlanılması ilə bağlı fikirlərini
öyrənməyə çalışırdı. Ancaq onlar bizim telefon zənglərimizə cavab
vermirdilər.
Bu gün, 14 iyun tarixində “Marneuli” radiosu görüşlərdən biri başa
çatdıqdan sonra Marneuli merinin müavini Kənan Ömərovdan Təhsil
Resurs Mərkəzinin keçmiş rəhbərinin saxlanılması ilə bağlı
fikirlərini soruşdu. Ömərov cavab olaraq bildirdi ki, məsələnin
təfərrüatlarını hüquq mühafizəçiləri müəyyən edəcəklər.
“
Qeyd olunan məsələ ilə bağlı əlbəttə, polis tərəfindən
araşdırma aparılır və sonra təfərrüatları özləri bildirəcəklər”,
– Kənan Ömərov bildirdi.
Zabil Qocayev Marneuli Təhsil Resurs Mərkəzinin rəhbər
səlahiyyətlərinin icraçısı vəzifəsinə 2 iyun tarixində təyin
olunmuşdu. 9 iyun tarixində aydın oldu ki, o, vəzifəsindən istefa
verib.
Marneuli Təhsil Resurs Mərkəzindən bildirdilər ki, Qocayev öz
istəyi ilə, şəxsi ərizəsi əsasında vəzifəsini tərk edib. Zabil
Qocayevə qədər Marneuli Təhsil Resurs Mərkəzinin rəhbəri Kənan
Ömərov idi. O, sonra merin müavini təyin olundu.
Polislər Zabil Qocayevi 2021-ci ilin 10 iyun tarixində saxlayıb.
Ona qarşı Gürcüstan Cinayət Məcəlləsinin 157-ci prima maddəsinin
birinci hissəsi ilə (şəxsi həyat sirrinin qanunsuz əldə edilməsi və
saxlanılması) ittiham irəli sürülüb. Həmin maddə 4 ildən 7 ilə
qədər həbs cəzasını nəzərdə tutur.
Gürcüstan Daxili İşlər Nazirliyinin apardığı istintaq nəticəsində
aydın olub ki, Z.Q. 2019-cu ildə tanıdığı qadınla gizli şəkildə
şəxsi həyatı təsvir edən video material çəkib və qanunsuz olaraq
saxlayıb.