Çin istehsalı olan “Sinovak” peyvəndi üçün qeydiyyat müvəqqəti
olaraq məhdudlaşdırılıb.
Qeydiyyatdan keçmək istəyənlər xüsusi portalda,
booking.moh.gov.ge-də bütün qrafaları doldurduqdan sonra proqram
onları qeydiyyatdan keçirmir.
“Qeydiyyat sayı limit sayından artıqdır” – peyvənd vurdurmaq üçün
qeydiyyatdan keçmək istəyənlər bu yazı ilə qarşılaşır.
Covid-19 peyvəndinə qeydiyyat üçün nəzərdə tutulmuş qaynar xətdən –
15 22-dən “Marneuli” radiosuna bildiridlər ki, “Sinovak” vaksininin
birinci dozası üçün qeydiyyat müvəqqəti olaraq dayandırılıb. İndiki
mərhələdə sistemdə yalnız ikinci doza üçün qeydiyyatdan keçmək
mümkündür. Operatorun sözlərinə görə, qeydiyyat hər zaman yenilənə
bilər. Belə ki, peyvənd vurdurmaq istəyənlər veb-səhifənin
fəaliyyətini yoxlamalıdır.
Qeyd edək ki, Gürcüstan “Sinopharm” peyvəndinin yeni dozasını iyun
ayından, “Pfizer”-in dozasını isə avqustdan qəbul edəcək.