Bu ilin I yarısında Azərbaycandan Gürcüstana 42,5 milyon ABŞ
dolları həcmində pul köçürmələri həyata keçirilib.
Bu barədə Gürcüstan Milli Bankının məlumatında bildirilib.
Məlumata əsasən, ötən ilin eyni dövrünə nisbətdə həcmdə 2,5 dəfə
artım qeydə alınıb.
Yanvar-iyunda Gürcüstandan Azərbaycana isə 8,8 milyon ABŞ dolları
köçürülüb ki, bu da illik müqayisədə 22,2 % çoxdur.
Təkcə iyun ayında Azərbaycandan Gürcüstana 7,1 milyon ABŞ dolları,
qonşu ölkədən Azərbaycana isə 1,9 milyon ABŞ dolları daxil
olub.
Ötən ay xarici ölkələrdən Gürcüstana göndərilən pul köçürmələrinin
ümumi həcmi 201,9 milyon ABŞ dolları (+19,3 %), qonşu ölkədən
xaricə köçürülən pulların həcmi isə 26,5 milyon ABŞ dolları (+20,8
%) təşkil edib.
Mənbə: report.az