Baş nazir İrakli Qaribaşvilinin sözlərinə görə, ölkədəki peyvənd
prosesi sürətlə davam etməsə və yoluxmuş insanların sayı artmağa
davam edərsə, hökumət ölkəni yenidən bağlamalı və rəhbər tərəfindən
əlavə məhdudiyyətlər qoyulmalıdır. Hökümət bunu etmək istəmir. Buna
görə də, peyvənd olunmaq lazımdır.
Qaribaşvili bu barədə hökumət iclasından əvvəl
danışıb.
"Vətəndaşlarımızdan peyvənd prosesində fəal iştirak etmələrini
istərdim. Dünən 11 000 peyvənd apardıq, bu da azdır. Gündə 20-30
min aşılamasaq, çox çətin olacaq. Bu çox pis bir tendensiyadır.
Ölkədə demək olar ki, hər şey açılıb və uğurla işləyir.
İqtisadiyyat sürətlə bərpa olunmağa, canlanmağa başlayıb.
Vətəndaşlar iş yerlərinə qayıtdılar. Batumidə demək olar ki, bütün
məkanlar, kafe və barlar vətəndaşlarımız və turistlərlə dolu olur.
Hörmətli vətəndaşlarımıza bir daha xahişlə müraciət etmək
istəyirəm, bəzi məhdudiyyətləri yenidən tətbiq etmək lazım olsa
bütün bunlar suya düşmüş olacaq. Mən qapanma və bu kimi sözləri
istifadə etmək istəmirəm, sadəcə asan bir tələbimiz var, xahiş
edirik peyvənd olun! Bunu etmək çox asandır. Ölkəmiz bağlanmağa
dözə bilməyəcək", - deyə İrakli Qaribaşvili
bildirib.