İyulun 5-də Daxili İşlər Nazirliyi, "Tbilisi Pride" əleyhinə
keçirilən mitinqdə iştirak edən daha bir nəfəri saxlayıb.
Saxlanılan şəxs "Rustavi 2"- nin operatoruna şifahi və fiziki
zorakılıq tətbiq edib.
"Aparılan istintaq nəticəsində müəyyən edilib ki,
təqsirləndirilən U.D. iyulun 5-də, Tbilisinin Rustaveli
prospektində," Tbilisi Pride"-a qarşı yürüş zamanı "Rustavi 2" -
nin operatorunu fiziki və şifahi şəkildə təhqir edib.
Gürcüstan Cinayət Məcəlləsinin 154-cü maddəsinin 2-ci hissəsi,
156-cı maddəsinin 2-ci hissəsinin "a" bəndi və 225-ci maddəsinin
2-ci hissəsi ilə istintaq aparılır.
5-6 iyul tarixlərində keçirilən mitinqlərdə mətbuat nümayəndəsinə
qarşı zorakılıq və peşə fəaliyyətinə maneçilik törədilib, həmçinin
qrup zorakılığı faktları ilə 27 nəfər həbs olunub,
bunlar:
- Jurnalistlərə peşə fəaliyyətlərinə
qarşı zorakılıq, qanunsuz müdaxilə, dəstə zorakılığı və zorakılıq
təhdidi ilə hədələdiyi üçün 23 nəfər
saxlanılıb;
- Tbilisi Pride" ofisinə basqın, qrup zorakılığı,
həmçinin bir mənzilin və ya digər əmlakın toxunulmazlığının
pozulmasına görə 3 nəfər həbs olunub;
- Vətəndaşa zorakılıq tətbiq etdiyinə görə 1 nəfər
polis tərəfindən saxlanılıb.
Cinayətdə iştirak edən digər şəxslərin müəyyənləşdirilməsi və
saxlanılması üçün istintaq-əməliyyat tədbirləri davam etdirilir", -
deyə bildirilib.