Gürcüstan səfiri ötən gün Avropa İttifaqının (Aİ) Brüsseldəki
mənzil-qərargahına çağırılıb.
Bu barədə Aİ-nin Gürcüstandakı səfiri Karl Xartsel jurnalistlərə
açıqlamasında bildirib.
Onun sözlərinə görə, səfirlə keçirilən görüşdə Tbilisidə fəaliyyət
göstərən diplomatların dinlənilməsi barədə yayılan məlumatlar
müzakirə olunub.
Qeyd edək ki, Gürcüstanın yerli mətbuatının yazdığına görə, ölkənin
Dövlət Təhlükəsizliyi Xidməti Aİ səfiri K.Xartsel də daxil olmaqla,
Tbilisidə çalışan diplomatların telefon danışıqlarını gizli şəkildə
dinləyib.
Mənbə: report.az