Rustavi həbsxanasında olan Marneuli Vahid Milli Hərəkatın üzvü Laşa
Kveladzeyə qarşı güman ki, bu gün axşam saat 19:00-da ittiham irəli
sürüləcək.
Bu barədə onun atası, Qivi Kveladze “Marneuli” radiosu ilə söhbəti
zamanı bildirdi. Onun sözlərinə görə, Laşa siyasi məhbusdur.
“Laşa Rustavi həbsxanasındadır və hələ də onun saxlanılma səbəbini
bilmirik. Bu gün, saat 11:00-da ittiham edilməli idi, təxirə
saldılar. Axşam saat 19:00-da onun saxlanılmasından sonra 48 saat
tamam olacaq. Ya rəsmi olaraq ittiham edəcəklər, ya da azad
olunacaq. Hamımız yaxşı bilirik ki, Laşa siyasi motivlə
saxlanılıb”, – Kveladze bildirdi.
Laşa Kveladze Marneulidə, 3 oktyabr tarixində polis tərəfindən
saxlanılıb. Onun saxlanması seçkidən iki gün əvvəl, 30 sentyabr
tarixində, baş vermiş qarşıdurma ilə bağlıdır. Laşa Kveladze
“Marneuli” radiosu ilə söhbəti zamanı bildirdi ki, “Gürcü
Arzusu”-ndan Sadaxlı üzrə majoritar deputat Rövşən İsgəndərov ona
hücum edib. İsgəndərov isə bildirdi ki, Kveladze ona hücum edib.
Qeyd edək ki, Rövşən İsgəndərov Marneuli “Geo Hospitals”
klinikasına üz nahiyəsində sümük sınıqları ilə aparılıb.