“Gürcüstan qonşuları ilə praqmatik münasibətləri
saxlamalı və avrointeqrasiya kursunu davam
etdirməlidir”.
Bunu ABŞ-ın “Heritage Fondu”nun Beynəlxalq Əlaqələr üzrə direktoru
Lyuk Koffi Gürcüstan radiosuna müsahibəsində deyib.
Onun sözlərinə görə, Gürcüstan qonşu ölkələrlə yaxşı münasibətləri
qoruyub saxlamalıdır:
“Gürcüstan Azərbaycan, Ermənistan
və Türkiyə ilə praqmatik münasibətlər üçün bütün səylərindən
istifadə etməlidir. Eyni zamanda Avropaya inteqrasiya istiqamətində
yolunu davam etdirməlidir”.
L.Koffi hesab edir ki, “3+3” platforması Gürcüstan üçün
qəbuledilməzdir və bu format ölkəyə heç nə verməyəcək.