Gürcüstanın sabiq prezidenti Mixeil Saakaşvili həbsxana həkimləri
tərəfindən müayinə olunmasına razılıq verib.
Bu barədə onun vəkili Georgi Qelxauri jurnalistlərə bildirib.
“Şəxsi həkiminin ona baş çəkməsi çox vacibdir. Ona bu
hüquq verilmir. Spekulyasiyadan yayınmaq üçün, əksinə, o, həbsxana
həkimləri ilə görüşə razılaşır, ancaq yenə də şəxsi həkiminin
ziyarət edə bilməsi vacibdir”, - vəkil belə
deyib.
Ədliyyə Nazirliyinin sifarişi əsasında ölkənin Səhiyyə Nazirliyi
yanında Saakaşvilinin sağlamlığını müayinə edəcək həkimlər qrupu
yaradılıb. Qrupun tərkibinə kardiologiya sahəsinin mütəxəssisi
Zurab Paqava, endokrinoloq David Metreveli, nevroloq Aleksandr
Tsiskaridze, hematologiya və transfuziologiya sahəsinin mütəxəssisi
Nino Şaraşenidze, həmçinin keçmiş prezidentin şəxsi həkimi Nikoloz
Kipşidze daxil ediləcək.