19 may tarixində Saimerlo ictimai məktəbində kənd
ambulatoriyasının həkimi Lia Zakaidze valideyn və müəllimlərlə
məlumatlandırma xarakterli görüş keçirib.
Həkimin sözlərinə görə, görüşdə uşaq və yeniyetmələrin peyvənd
edilməsinin vacibliyindən söhbət açıblar. Onun sözlərinə görə, yeni
doğulduqdan 14 yaşa qədər olan uşaqlara peyvənd komplekti vurulur.
Bəzi validyenlər bundan imtina edib. Çünki düşünürlər ki, uşaqlara
koronavirusa qarşı peyvənd vurulur.
“Saimerlo və Bəylər kənd pedaqoqları, eləcə də
valideynlər ilə görüşdük. Təbliğat apardıq, qapı-qapı prinsipi ilə
kəndlərə gedirik ki, uşaqlara peyvənd vurulmasının nə dərəcədə
mühüm olduğunu əhaliyə izah edək. Məlumat veririk ki, bu
koronavirusa qarşı peyvənd deyil. Qorxurlar, valideynlərdən biri
ümumiyyətlə, uşağa peyvənd vurulmasından imtina etdi və rəsmi imza
atdı ki, imtina edir. Bu koronavirusa qarşı peyvənd deyil. Bizim
cavabdeh olduğumuz, 14 yaşa qədər uşaqlara peyvənd vurulmasıdır.
Dünənki görüşdə valideynlərin razılığı ilə altı uşağa peyvənd
vurduq”, — Lia Zakaidze bildirdi.
Həkimin sözlərinə görə, koronavirusa qarşı çıxan şirkət
yeniyetmələrin validyenlərinə mənfi təsir göstərib. O, hesab edir
ki, məktəblərdə və uşaq bağçalarında məlumatlandırma
kampaniyalarının küçirilməsi mühümdür.
Peyvənd təqviminə görə, uşaqlara növbəti ardıcıllıqla peyvənd
vurulur:
- - 12 ayında və 5 yaşında uşaqlara qızılca, məxmərək,
parotitə qarşı peyvənd vurulur.
- - 4 aydan sonra və 1 yaşında pnevmokokk infeksiyasına
qarşı peyvənd vurulur.
- - 2 və 3 aylıq uşaqlara rotavirus infeksiyasına qarşı
peyvənd vurulur.
- - 18 ayında difteriya, göyöskürək, tetanus peyvəndləri
nəzərdə tutulub.
- - Uşaq poliomielit peyvəndini 18 ayında, təkrar olaraq
isə 5 yaşında qəbul edir.
- - Difteriya-tetanus peyvəndi uşağa 5 yaşında
vurulur.
- - Tetanus-difteriya isə 14 yaşında
vurulur.