Bu gün, 1 iyun tarixində Marneuli uşaq bağçalarına qeydiyyat
başlayıb və 30 iyuna qədər davam edəcək.
Uşaq Bağçaları Birliyinin sədri Zaur Kərəmov “Marneuli” radiosu ilə
söhbəti zamanı bildirdi ki, bağçalarda səhərdən izdiham hiss olunur
və qeydiyyat prosesi pozuntular olmadan aparılır. Onun sözlərinə
görə, Marneuli uşaq bağçalarına bu il təxminən 1000 uşaq qəbul
edəcəklər.
“İkinci mərhələ 22 avqustda başlayacaq və 2 sentyabrda başa
çatacaq. Birinci mərhələdə qeydiyyatdan keçə bilməyən uşaqlar
ikinci mərhələdə keçəcəklər. Bu il vəziyyət daha yaxşıdır. 1 saylı
bağça açılır və bu il oraya təxminən 190 uşaq qəbul olunacaq.
Saimerlo bağçasına isə təxminən 40 uşaq, 3 saylı bağçaya 100-dən
artıq uşaq qəbul edə biləcəyik. İndi dəqiq sayı bilmirik. İkinci
mərhələdən sonra neçə uşaq qəbul edə biləcəyimiz aydın
olacaq”, – Kərəmov dedi.
Bələdiyyə miqyasında ümumilikdə 14 bağça fəaliyyət göstərir.
2022-ci ildə 11 bağça fəaliyyətə başlayıb, 2 bağçada isə təmir
işləri aparılırdı. Bir bağça qəzalı vəziyyətdədir. Zaur Kərəmovun
sözlərinə görə, 2022-2023-cü təhsil ilində Marneuli 1 saylı və
Qızılhacılı uşaq bağçasında təhsil bərpa olunacaq.