2023-cü ilin 1-ci rübündə Gürcüstan ərazisindən xaricə 585,8 min
gürcü rezident səyahət edib ki, bu da ötən ilin müvafiq dövrü ilə
müqayisədə 2,2 dəfə çoxdur. Bu barədə məlumatı Milli Statistika
Xidməti yayıb.
Onların hesabatlarına görə, səyahətlərin ən böyük hissəsini, 46,3
faizini 31-50 yaşlı səyahətçilər təşkil edib.
“Sözügedən saydan Gürcüstanın rezident ziyarətçilərinin xaricə
səfərlərinin sayı 448,4 min nəfər təşkil edib ki, bu da 2022-ci
ilin analoji dövrünün göstəricisindən 2,1 dəfə çoxdur.
Gürcüstanın rezident qonaqları xaricə 255,4 min turist səfəri edib
ki, bu da ötən ilin eyni dövrü ilə müqayisədə 76,9 faiz çoxdur.
Ziyarətlərin əksəriyyətini, yəni 49,1 faizini 31-50 yaş qrupunda
olan Gürcüstan rezidentləri təşkil edib. Qadınlar tərəfindən edilən
ziyarətlərin sayı ümumi ziyarətlərin 45,4 faizini təşkil edib.
Ən çox səfər Türkiyə və Ermənistana, müvafiq olaraq, 234,1 min və
64,3 min səfər olub.
2023-cü ilin 1-ci rübündə edilən səfərlər zamanı sərf olunan
gecələrin orta sayı 6,1 gecə olub ki, bu da 2022-ci ilin I rübündə
qeydə alınan göstəricidən (6,4 gecə) 5,4 faiz azdır. Səfərlərin 98
faizi təkrar səfərlər olub.
2023-cü ilin birinci rübündə səfərlər zamanı çəkilmiş xərclər 372,5
milyon lari təşkil edib ki, bu da ötən ilin eyni dövrünün
göstəricisindən 30,7 faiz çoxdur. Bir ziyarət üçün orta qiymət
2022-ci ilin 1-ci rübü ilə müqayisədə 37 faiz azalaraq 830,8 lari
təşkil edib", - məlumatda deyilir.