“Dağ xəbərləri” qəzetinin jurnalisti Qela Mtivlişvili sosial
şəbəkədə ölümlə təhdid edən səs yazısını dərc edib.
Jurnalistin kimliyini açıqlamadığı şəxs ondan jurnalist materialını
silməsini tələb edir, əks halda onu öldürməklə hədələyir.
“Səni yerdən qazıb çıxaracam, başını deşməsəm... bizə
nə olubsa, bizim dərdimizdi... bu videonu sil, səni yerdən qazıb
çıxaracam. Qardaşının ruhuna and olsun ki, sənin başını
kəsəcəm...”, – yazıda deyilir.
Qela Mtivlişvilinin təhdidlərə məruz qaldığı hekayə “Dağ
xəbərlərində” dərc olunub.
Jurnalist materialında Çiaturi bölgəsində baş verən qəzadan, 30
yaşlı kişinin yol kənarındakı su ilə dolu xəndəyə düşərək boğularaq
öldüyündən bəhs edilir. Hekayədə deyilir ki, səngərlər “Georgian
manqan” şirkətinin işidir və manqan hasil edəndən sonra şirkət
torpağı qazılmış vəziyyətdə buraxıb gedir. Jurnalist deyib ki, ailə
şikayət etməyib, şirkətin cinayəti araşdırılmayıb.
“Biz “Çiatura – bəlalar zonası” filmini çap etdik və bu filmdə
“Georgian manqanın” manqan hasilatı zamanı qanunu tamamilə
pozduğunu, insanları necə öldürdüyünü, Çiaturada belə dözülməz və
fəlakətli vəziyyət yaratdığını ictimaiyyətə çatdırırıq. […] Biz bir
neçə açıqlanmayan faktları, o cümlədən gənc oğlanın ölümü ilə bağlı
məlumat yaydıq və bunun ardınca ölüm təhdidləri gəldi. Bu faciəyə
görə üzr istəyirəm, amma bu, heç kimə jurnalistin həyatını
təhlükəyə atmaq hüququ vermir. Şirkətdən cavab tələb etməli
olduqları halda media ilə üz-üzə gəlirlər. Bu, sistemin
reaksiyasıdır, bizdən onları ifşa etməyi dayandırmağımızı
istəyirlər”, - Qela Mtivlişvili bildirib.
Təhdid məktubu yayıldıqdan sonra o, Xüsusi İstintaq Xidmətinə
müraciət edib. Mtivlişvili artıq dindirilməyə çağırılıb.
“Publika” agentliyi xəbər verir ki, faktla bağlı Cinayət
Məcəlləsinin 154-cü maddəsinin ikinci hissəsi ilə zorakılıq tətbiq
etməklə və ya vəzifə səlahiyyətlərindən istifadə etməklə
jurnalistin peşə fəaliyyətinə qanunsuz müdaxiləsi ilə bağlı
istintaq başlayıb.