26 may tarixində Marneulidə Müstəqillik Gününə həsr edilmiş
tədbirdə müxtəlif idman tədbirləri baş tutdu.
Gürcü güləşi, qol güləşi və oxçuluq üzrə yarışlar keçirildi.
Marneuli yerli özünüidarəsi idman tədbirlərinin təşkil edilməsi
üçün üç sadələşdirilmiş müqavilə bağlayıb.
"Xatırladaq ki, cari ilin 26 mayında, ənənəvi olaraq
Müstəqillik Günü ilə əlaqədar bayram tədbiri keçirilir, bu ilki
tədbir çərçivəsində idman tədbirləri planlaşdırılıb. Konkret
olaraq, gürcü güləşi, qol güləşi və oxçuluq. İdman tədbirlərinin
tam keçirilməsi üçün musiqiçi (zurna, qarmon və nağara) xidməti
ödənməli, bir qoyun (qoç), 60 ədəd medal və 70 diplom
alınmalıdır", – sadələşdirilmiş müqavilədə
deyilir.
Marneuli meriyası 60 ədəd medal və 70 ədəd diplomu fərdi sahibkar
Əkrəm Qəhrəmanovdan 405 lariyə alıb.
Yerli özünüidarə eləcə də musiqiçi xidmətini sadələşdirilmiş
qaydada alıb. Meriya zurna, qarmon və nağara ifaçılarına 637 lari
76 tetri ödəyib.
Marneuli meriyası üçüncü sadələşdirilmiş müqaviləni fiziki şəxs
Mixeil Lağidze ilə bağlayıb. Meriya Lağidzedən bir qoçu 765 lari 31
tetriyə alıb. Qoç gürcü güləşində qalib gələn şəxsə verilib.