Səhiyyə Nazirliyindən verilən məlumata görə, universal səhiyyə proqramı çərçivəsində doğuş və keysəriyyə əməliyyatları tam maliyyələşdiriləcək.

Agentlikdən verilən məlumata görə, maliyyələşdirməyə isteğe bağlı həkim təyinatı, ağrıların müalicəsi üçün ödəniş, dərman, yemək, palata və digər xərclər daxildir.

Əgər xəstə tibbi göstəriş olmadan qeysəriyyə əməliyyatı etmək istəyirsə, dövlət həmin işləri maliyyələşdirməyəcək. Həmçinin, VIP otaq xidməti də maliyyələşdirilməyəcək.

Dəyişiklik DRG (DIAGNOSIS RELATED GROUP) maliyyələşdirmə modelinin tətbiqinin nəticəsidir. DRG modeli diaqnostika ilə əlaqəli xidmətlərin maliyyələşdirilməsini nəzərdə tutur, bunun vasitəsilə "Nazirliyin vətəndaşların keyfiyyətli müalicəsi üçün ödəyəcəyi ədalətli qiymət avtomatik olaraq hesablanır".

Daha dəqiq desək, stasionar xəstələr diaqnoza uyğun olaraq müəyyən kateqoriyalar üzrə qruplaşdırılacaq və hər kateqoriya üzrə “ədalətli qiymət” hesablanacaq. Nazirlikdən verilən məlumata görə, bu modellə xəstə tibbi xidmət alarkən əlavə xərclər ödəməli olmayacaq və yalnız universal səhiyyə proqramı çərçivəsində əlavə ödəniş payına daxil olan məbləği ödəyəcək.

“Universal səhiyyə proqramına daxil olan bütün tibb müəssisələrində DRG modeli əsasında doğuş və qeysəriyyə əməliyyatı xidmətlərinin tarifləri 1222 lari müəyyən edilib”, - deyə agentlikdən bildirilib.

Qeyd edək ki, DRG modeli ilə doğuş və qeysəriyyə əməliyyatı xərcləri bərabərləşdirilib - indiyədək qeysəriyyə əməliyyatı daha baha idi. Səhiyyə Nazirliyindən verilən məlumata görə, buna səbəb qeysəriyyə əməliyyatının yüksək olmasıdır. Qurum hesab edir ki, qiyməti bərabərləşdirmək tibb işçilərinin qeysəriyyə əməliyyatına həvəsini azaldacaq.