İyulun 4-də partiyanın mərkəzi aparatında “Vahid Milli Hərəkat” siyasi şurasının iclası keçirilib.

Onlar partiyanın siyasi şurasının sədri vəzifəsinə Levan Xabeişvilinin namizədliyinin irəli sürülməsini dəstəkləyiblər.

Levan Xabeişvili iyunun əvvəlində müxalif “Milli Hərəkat” partiyasının sədri vəzifəsini tərk edib. Onu bu vəzifədə Tina Bokuçava əvəzləyib.

“Milli Hərəkat” iyulun 8-də qurultay keçirərək rəsmi olaraq Tina Bokuçavanı partiyanın yeni sədri, Levan Xabeişvilini isə siyasi şuranın sədri seçməyi planlaşdırır.

Levan Xabeişvili 2024-cü il iyunun 8-də “Milli Hərəkat”ın sədri vəzifəsindən istefa verib və buna səbəb kimi səhhətinin vəziyyətini göstərib.

“Agent qanunu”na qarşı aksiyalar zamanı Levan Xabeişvili xüsusi təyinatlılar tərəfindən döyülüb və klinikaya aparılmalı olub. Onun başında və üzündə şiddətli döyülmə izləri var idi və hərəkət etməkdə çətinlik çəkirdi. Hadisəyə görə heç kim cəzalandırılmayıb.

Levan Xabeişvili 2023-cü il yanvarın 30-da “Milli Hərəkat”ın sədri seçilib. O, bu vəzifədə Nika Melianı əvəzləyib.

 

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---