Daxili İşlər Nazirliyinin məlumatına görə, məhkəmə qərarı əsasında Tbilisi, Ozurgeti və Ureki qəsəbəsində "qanunsuz dünyaya" bağlılığı olan 5 nəfər saxlanılıb, bir nəfərə isə ittiham cəzaçəkmə müəssisəsində irəli sürülüb.

Nazirliyin məlumatına görə, "qanunsuz dünyanın" üzvü olmaq ittihamı ilə aşağıdakı şəxslər saxlanılıb:

1991-ci ildə doğulmuş G.X. ləqəbli "Xoşto" və keçmişdə dəfələrlə məhkum olunmuş, 1981-ci il təvəllüdlü E.B. ləqəbli "Edo".
"Qanunsuz dünyanın fəaliyyətini dəstəkləmək" ittihamı ilə keçmişdə məhkum olunmuş, 2000-ci il təvəllüdlü L.R. saxlanılıb.

"Qanunsuz dünyanın üzvünə müraciət etmək" ittihamı ilə isə 1977-ci ildə doğulmuş K.B. və keçmişdə dəfələrlə məhkum olunmuş, 1983-cü il təvəllüdlü V.Ç. saxlanılıb.

Keçmişdə dəfələrlə məhkum olunmuş, 1984-cü ildə doğulmuş M.X.-ya isə "qanunsuz dünyanın üzvü olmaq" ittihamı cəzaçəkmə müəssisəsində irəli sürülüb.

"İntensiv rejimdə aparılan istintaq çərçivəsində, o cümlədən məhkəmə qərarı əsasında bir neçə ay ərzində həyata keçirilən gizli istintaq tədbirləri nəticəsində müəyyən olunub ki, saxlanılan şəxslər "qanunsuz dünyanın" fəaliyyətində iştirak ediblər, qanuni oğrularla əlaqə saxlayıb onların tapşırıqlarını yerinə yetiriblər.

Xüsusilə, "qanunsuz dünyanın" qaydalarına uyğun olaraq, qorxutma, hədə-qorxu, öz kriminal təsirlərindən istifadə etməklə və qeyri-qanuni hərəkətlər yolu ilə hakimiyyət və nüfuz qazanmaq, eləcə də şəxsi və başqalarının mənfəətini əldə etmək məqsədilə Quriya regionunda, Ozurgeti bələdiyyəsinin Urek qəsəbəsində və Sxaltsminda kəndində "qanunsuz dünyanın" fəaliyyətini həyata keçiriblər.

Polis saxlanılan şəxslərin şəxsi əşyaları və yaşayış yerlərini axtarış zamanı sübut kimi mobil telefonlar və narkotik vasitələr götürüb", – məlumatda bildirilir.

Daxili İşlər Nazirliyinin məlumatına görə, istintaq Gürcüstan Cinayət Məcəlləsinin 223-cü prim maddəsinin birinci hissəsi, 223-cü tersiya maddəsinin ikinci hissəsi və 223-cü kvarta maddəsinin birinci hissəsi ilə davam etdirilir.

Cinayətlər 10 ilə qədər azadlıqdan məhrumetmə cəzası nəzərdə tutur.