Tbilisi meri və "Gürcü Arzusu"nun baş katibi Kaxa Kaladze bildirib ki, istənilən vaxt narkoloji testdən keçməyə hazırdır. Bu sözlərlə o, "Lelo – Güclü Gürcüstan" partiyasının liderlərindən biri olan Saba Buadzenin bəyanatına cavab verib.

"İstənilən vaxt! Ancaq Saba Buadze ilə bağlı mənim öz mövqeyim var. Bu məsələdə tamamilə başqa bir siyasətçinin fikrini bölüşürəm. Mən Qaxaria deyiləm

ki, qaçıb gizlənim?!" – deyə Kaladze bildirib.

Bundan əlavə, Kaladze "Gürcü Arzusu"nun elan etdiyi narkopolitikanın sərtləşdirilməsi məsələsinə də toxunub və vurğulayıb ki, partiyanın məqsədi narkotik asılılığından əziyyət çəkən insanlara kömək etməkdir.

"Bu sahədə bir sıra problemlər mövcuddur. Biz elə bir islahat həyata keçirmək istəyirik ki, insanlara kömək edək və onlara yeni imkanlar yaradaq. Məsələn, sağlam həyat tərzini təşviq edək, narkotik asılılığı olan insanlara dəstək olaq və onların yanında olaq. Ümumiyyətlə, cəmiyyətdə narkotiklərə qarşı münasibət dəyişməlidir" – deyə Kaladze qeyd edib.

Xatırladaq ki, "Lelo – Güclü Gürcüstan" partiyasının liderlərindən biri olan Saba Buadze "Gürcü Arzusu" nümayəndələrini narkoloji testdən keçməyə çağırıb. O bildirib ki, məcburi narkoloji yoxlama qaydalarına dəyişiklik etməzdən əvvəl, "Gürcü Arzusu"nun üzvləri özləri testdən keçməli və nəticələri ictimaiyyətə təqdim etməlidir.

"Mən onlara tövsiyə edirəm ki, bu prosesə ilk olaraq "Gürcü Arzusu"nun baş katibi Kaxa Kaladzedən başlasınlar," – deyə Saba Buadze qeyd edib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---