Gürcüstanda insan hüquq və azadlıqlarının qorunması vəziyyəti haqqında Gürcüstanın Xalq Müdafiəçisinin 2024-cü il hesabatına əsasən, kifayət qədər qanunvericilik tənzimləməsi olmadığına görə, valideynlərin təşəbbüsü ilə uşaqların nişanlanması halları statistik məsuliyyətdən kənarda qalır. Uşaq nikahının zərərli təcrübəsinin aradan qaldırılması mühüm problem olaraq qalır.

Hesabata görə, uşaq nikahı halları üzərində işləyərkən sosial işçilər səmərəsiz reaksiyalar göstərməkdə davam edirlər ki, bu da qismən etnik azlıq icmalarına qarşı qərəz və stereotipik münasibətlə bağlıdır.

“Həmçinin, mümkün uşaq nikahları ilə bağlı inzibati işlərin başlanması problemlidir. Gürcüstanın Daxili İşlər Nazirliyi yetkinlik yaşına çatmayanların nikahı bəhanəsi ilə törədilən 184 mümkün cinayətlə bağlı araşdırmalara başlayıb, 74 həbs-qətimkan orderi verilib. Prokurorluğun məlumatına görə, 50 uşaq cinayətin qurbanı olub, 45 nəfərə qarşı cinayət işi açılıb”, – Xalq Müdafiəçisinin hesabtında qeyd olunur.

Ombudsmanın hesabatında bildirilir ki, araşdırılan uşaqların evliliyi/nişanlanması halları üzrə hüquq-mühafizə orqanları, təhsil müəssisələri və qayğı orqanlarının fəaliyyətindəki nöqsanlar hələ də müşahidə olunur.

“Gürcüstanın Daxili İşlər Nazirliyində, azyaşlılarla evlilik motivi ilə törədilmiş 184 mümkün cinayət üzrə araşdırma aparılıb və 74 məhdudlaşdırıcı əmr çıxarılıb, prokurorluğun məlumatına görə, azyaşlı ilə evlilik motivi ilə törədilən cinayətlərdə 50 uşaq zərərçəkmiş kimi tanınıb və 45 nəfər barəsində cinayət təqibi başlanıb”, – hesabatda deyilir.

Hesabata görə, yetkinlik yaşına çatmayanlar arasında hamiləlik və doğuşların sayının azalması ilə bağlı əvvəlki illərin tendensiyası saxlanılıb.

“Gürcüstanın Milli Səhiyyə Agentliyinin məlumatına görə, 2024-cü ildə 427 nəfər yetkinlik yaşına çatmayan uşaq hamiləliyi qeydiyyata alınıb, 365 nəfər yetkinlik yaşına çatmayan valideyn kimi qeydiyyata alınıb (o cümlədən 347 azyaşlı ana, 7 azyaşlı ana və ata, 11 yetkinlik yaşına çatmayan ata)”.

Hesabata görə, 2024-cü ildə 38-i qız və 5-i oğlan olmaqla 43 şagirdin nikaha daxil olmaq səbəbi ilə statusuna xitam verilib və ya təhsili dayandırılıb. Xalq Müdafiəçisi qeyd edir ki, statistik məlumatlar real mənzərəni əks etdirməyə bilər, çünki təhsili tərk etm səbəbləri səhvlərlə göstərilib.

Gürcüstanın Xalq Müdafiəçisi Gürcüstan hökumətini uşaq nikahlarının və onunla əlaqəli cinayətlərin qarşısını almaq üçün vahid kommunikasiya strategiyası hazırlamağa çağırır.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---