Daxili İşlər Nazirliyindən verilən məlumata görə, narkotik vasitələrin qanunsuz dövriyyəsi ilə əlaqədar 4 nəfər həbs edilib.

“Qanunsuz olaraq külli miqdarda və xüsusilə külli miqdarda narkotik vasitələrin əldə edilməsi və saxlanması, satışa hazırlamaq, o cümlədən psixotrop maddələrin və narkotik vasitə marixuananın qanunsuz əldə edilməsi və saxlanması, tərkibində narkotik vasitə olan bitkinin qanunsuz becərilməsi ittihamı ilə həbs ediliblər. Həbs edilənlər əvvəl narkotik cinayətinə görə məhkum olunmuş, 2003-cü il təvəllüdlü N.Ç., 1978-ci il təvəllüdlü K.K., Rusiya Federasiyası vətəndaşı 1981-ci il təvəllüdlü G.K. və İordaniya vətəndaşı 2003-cü il təvəllüdlü O.A.-dır.

Hüquq-mühafizə orqanlarının əməkdaşları təqsirləndirilən şəxslərin şəxsi və yaşayış binalarına və onların göstərdiyi ünvanlara baxış nəticəsində xüsusilə külli miqdarda müxtəlif növ narkotik vasitələr, o cümlədən “kokain”, “MDMA”, “liserqid”, psixotrop maddələr və “marixuana” götürüblər. Həmçinin, tərkibində narkotik maddələr olan bitkilərin becərilməsi üçün yaradılmış xüsusi istixanadan külli miqdarda çətənə bitkisi götürülüb”, - DİN-in məlumatında deyilir.

Cinayətlər 20 ilə qədər həbs cəzasını nəzərdə tutur.

Nazirliyin məlumata görə, faktla bağlı Cinayət Məcəlləsinin 260, 261, 18-260, 265 və 273-cü maddələri ilə araşdırma aparılır.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---