Dmanisi və Tetritskaroda xüsusi təhsilə ehtiyacı olan uşaqlar üçün yeni mərkəzlər - Tetritskaroda Erkən Uşaqlıq İnkişafına Dəstək Mərkəzi və Dmanisidə xüsusi təhsilə ehtiyacı olan uşaqlara müxtəlif xidmətlər təklif edən ilk gün mərkəzi yaradılıb. Bu mərkəzlərin yaradılması Avropa İttifaqı tərəfindən maliyyələşdirilən və CENN təşkilatı tərəfindən həyata keçirilən proqram çərçivəsində mümkün olub.

Avropa İttifaqının köməyi ilə Kvemo Kartli və Samtsxe-Cavaxeti bələdiyyələrində əhalinin ehtiyaclarına uyğun sosial proqramlar hazırlamaq mümkün olub.

Tetritskaroda xüsusi qayğıya ehtiyacı olan və erkən inkişaf geriliyi olan uşaqlara dəstək, verən 0-7 yaş arası uşaqlar üçün mərkəz yaradılmışdır. Hazırda Tetritskaronun 16 uşaq bağçasında uşaqların ehtiyaclarını müəyyən etmək üçün skrininq prosesi aparılır. Ehtiyaclar müəyyən edildikdən sonra uşaq üçün fərdi inkişaf planı hazırlanacaq və onlarla işə başlanacaq.

Tetritskaro İnkişaf Qrupunun (LAG) icraçı direktoru Nino Tikeşvilinin sözlərinə görə, layihə mərkəzin təchiz edilməsinə, ehtiyacların müəyyən edilməsi üçün skrininqin aparılmasına və mərkəzin dövlətdən xidmət təminatçısı statusu almasına kömək edəcək bütün sənədlərin hazırlanmasına imkan verib.

"Mərkəz ilkin mərhələdə 20 uşaq üçün nəzərdə tutulub. Qeydiyyat davam edir. Bu layihə çərçivəsində gördüyümüz əsas iş həm rəhbərlik, həm də inkişaf geriliyi zamanı müəyyən müdaxilə tələb edən bacarıqları inkişaf etdirəcək uşaqlar üçün məkan təşkil etməkdir. Biz mərkəzin fəaliyyət göstərməsi üçün lazım olan mütəxəssisləri də yenidən hazırlamışıq. Yaxın zamanlarda bu mərkəz rəsmiləşdiriləcək və yaxın vaxtlarda dövlət proqramına start veriləcək. Tetritskaro şəhərindəki obyekt yerli səviyyədə erkən inkişaf proqramının icraçısı olacaq və biz artıq müəyyən edilmiş uşaqları qonşu bələdiyyələrə yönləndirməyəcəyik." - Nino Tikuraşvili bildirib.

“Uşaq, Ailə, Cəmiyyət” təşkilatının ilk gün mərkəzini təsis etdiyi Dmanisi Bələdiyyəsində də fiziki imkanları məhdud uşaqlarla işlərə başlanılıb. Gün Mərkəzi 6 yaşdan 18 yaşadək uşaq və gənclərə xidmət göstərir. Xüsusi qayğıya ehtiyacı olan uşaqlar səhərdən axşama kimi gün mərkəzlərində qalırlar - onlar yeməklə təmin olunur, müxtəlif müalicələrdən keçirilir, onlarla xüsusi pedaqoq və psixoloqlar işləyir. “Uşaq, Ailə, Cəmiyyət” təşkilatının təsisçisi Maia Bibileişvili deyir ki, mərkəz xüsusi qayğıya ehtiyacı olan uşaqların valideynlərinə də kömək edir – psixoloji - hüquqi yardım göstərir, onlara inkişaf , əlavə gəlir əldə etmək üçün boş vaxt verir.

"Gün mərkəzinin öz standartları var və biz onlara tam cavab veririk. Gün mərkəzinin tələblərinə psixoloq, xüsusi müəllimlər, idman, art-terapiya, musiqi və s. kimi müxtəlif istirahət fəaliyyətləri daxildir. Terapiyaya gəlincə, bu baxımdan biz erkən inkişaf mütəxəssisi hazırlamışıq və davranış terapevti hazırlamaq istəyirik. Burada bərpa proqramını qeydiyyatdan keçirəndən sonra terapiyaya keçəcəyik". - Maia Bibileişvili bildirib.

Dmanisi Gün Mərkəzinin psixoloqu Mairam Devnozaşvilinin sözlərinə görə, mərkəzin fəaliyyətə başlamasına az vaxt olsa da, o, artıq xüsusi qayğıya ehtiyacı olan uşaqlarda inkişafı müşahidə edir - uşaqlar sosiallaşmağı öyrənir, müəllimlərlə ünsiyyətdən həzz alır və öz bacarıqlarını inkişaf etdirməyə çalışırlar.

"Biz çox qısa müddətdir birlikdə işləyirik və onlar artıq bir-birlərini görməkdən çox xoşbəxtdirlər, ayrılmaq onlar üçün çox çətindir və müəllimlər də onları sevirlər. Onlar bir-birləri ilə ünsiyyətə getdikcə öyrəşirlər və biz xoşbəxtik ki, onlar getdikcə daha çox sosial bacarıqlar əldə edirlər, bir-birlərini başa düşməyi, onlara qayğı göstərməyi öyrənirlər". - Mariam Devnozaşvili bildirib.

Gənclərin və qocaların sosiallaşmasına, onların bacarıqlarının artırılmasına təkan verən “Nəsillər arasında texnoloji körpü” layihəsi də Dmanisidə həyata keçirilib. Layihə çərçivəsində gənclər rəqəmsal bacarıqlar üzrə təlim keçib, kodlaşdırmanı öyrənib, daha sonra bu bacarıqları yaşlılarla bölüşüblər.

16 yaşlı Zura Ediberidze bu layihə çərçivəsində proqramlaşdırmanı öyrənib, daha sonra bunu uşaqlara və qocalara öyrədib. Ən yaşlı tələbəsinin 78 yaşı var.

Dmanisi Yaşlılar Mərkəzinin rəhbəri Yekaterine Okriaşvilinin sözlərinə görə, Avropa İttifaqı tərəfindən maliyyələşdirilən proqram çərçivəsində yaşlıların əksəriyyəti keçmiş müəllimlər olduğu üçün Dmanisi Mərkəzinin benefisiarları uşaqlara müxtəlif fənlər də öyrədirlər.

"Nəsillər arasında texnoloji körpü" layihəsi üç nəsli birləşdirdi, onları tanıtdı, həmçinin bu gənclər ofisimizdə gördüyümüz işlərə nəzər saldı və biz başa düşdük ki, elə nəsillər yetişir, biz gələcəkdən qorxmuruq. Mən layihənin həyata keçirilməsində köməklik göstərən layihənin bütün təsisçilərinə və idarəçilərinə təşəkkürümü bildirirəm", - Ekaterine Okriaşvili bildirib.

CENN Kvemo Kartlidə həyata keçirilən layihələri əhaliyə tanıtmaq üçün mediatur təşkil edib. CENN Layihə Meneceri və Direktor müavini Nino Tevzadze bildirmişdir ki, Avropa İttifaqı tərəfindən maliyyələşdirilən bütün layihələr sosial xidmətlərin yaradılmasına və ya mövcud xidmətlərin təkmilləşdirilməsinə yönəlmişdir.

"Bu gün gördüyümüz bu layihələrdə ən önəmlisi yerlərdə sosial xidmət təminatçıları yarada bilməyimiz idi. Bu, ciddi problemdir, çünki bu xidmətlərə ehtiyacı olan həssas qruplar bu xidmətləri almaq üçün tez-tez böyük şəhərlərə getməli olurlar və bu həmin qruplar üçün əlavə problem yaradır. Benefisiarlara onların ehtiyaclarına uyğun xidmətlər göstərəcək yerlərdə belə xidmətlərin və təşkilatların olması biz Avropa İttifaqının dəstəyi ilə çox mühümdür” - Nino Tevzadze bildirib.

Tevzadzenin sözlərinə görə, Avropa İttifaqının dəstəyi ilə hazırlanmış sosial proqramların bələdiyyələrə və dövlət qurumlarına ötürülməsi mümkün olub və indi dövlət öz işini davam etdirməli, benefisiarlara xidmət göstərməlidir.

Avropa ittifaqı tərəfindən maliyyələşdirilən layihə Kvemo Kartli və Samtsxe-Cavaxeti bələdiyyələrində fəaliyyət göstərir və onun çərçivəsində 6 təşəbbüs maliyyələşdirilib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---