Almaniyada pensiya yaşına çatdıqdan sonra işləməyə davam edən şəxslər aylıq 2000 avroya qədər maaşı vergisiz ala biləcəklər.

Bu barədə Financial Times (FT) yazıb.

Bu addım kansler Fridrix Mersin planının bir hissəsidir və onun məqsədi əmək qüvvəsi çatışmazlığını aradan qaldırmaq və ölkə iqtisadiyyatını canlandırmaqdır. Qanun layihəsinə əsasən, tədbir 1 yanvardan qüvvəyə minməlidir və Almaniya hökumətinin hesablamalarına görə, büdcəyə ildə 890 milyon avroya başa gələcək.

İqtisadçılar bu rəqəmi vergi gəlirlərindəki mümkün azalmaların minimal göstəricisi hesab edirlər, bu da hökumətin bu güzəştdən çox sayda insanın istifadə etməsini gözləmədiyini göstərir.

Mersin seçki vədlərindən biri olan bu “aktiv pensiya planı” sosial-demokratlarla koalisiya tərəfindən 15 oktyabrda təsdiqlənəcək. Koalisiyanın məqsədi Almaniyada qocalan işçi qüvvəsinin təsirini yumşaltmaqdır, çünki üçillik durğunluqdan sonra ölkə ixtisaslı işçi çatışmazlığı ilə üzləşib.

Qanun layihəsində deyilir:

“Almaniyanın əmək bazarı demoqrafik dəyişikliklərə görə struktur problemlərlə üz-üzədir. Qarşıdakı illərdə ‘beybi-bumer’ nəsli tədricən pensiyaya çıxacaq, gənclər isə daha az sayda əmək bazarına daxil olacaqlar. Bu, bir çox sektorda ixtisaslı işçi çatışmazlığına səbəb olur.”

Almaniyada, Avropanın əksər ölkələrində olduğu kimi, pensiyaya çıxdıqdan sonra işləməyə icazə verilir və rəsmi Berlin bu prosesi daha cəlbedici etmək üçün vergi güzəştlərindən istifadə edir.

Almaniya Avropada ən ciddi demoqrafik problemlərdən biri ilə üzləşib. 2035-ci ilə qədər 4,8 milyon işçi – bu, ümumi əmək qüvvəsinin 9%-i deməkdir – pensiyaya çıxacaq. FT-nin qiymətləndirməsinə görə, bu, ölkənin sosial sisteminə və iqtisadiyyatına ciddi təzyiq göstərəcək.

Qanun layihəsində vurğulanır ki, bu vergi güzəştləri həmçinin “şirkətlərdə təcrübə və biliklərin daha uzun müddət saxlanmasına kömək edəcək” və “ümumi məşğulluğun artmasına səbəb olacaq ki, bu da iqtisadi inkişafı və dövlət gəlirlərini stimullaşdıracaq.”

Mənbə: BPN

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.