Marneuli yerli özünüidarəsi “Marneuloba – 2023” qeyd olunması üçün tender elan edib. Marneuli meriyası tədbirin təşkil edilməsi xidməti üçün 161 750 lari dəyərində tenderi 8 avqust tarixində elan edib.

Tender təklifinə görə, indiki mərəhəldə “Marneuloba-2023”-ün nə zaman keçiriləcəyi məlum deyil.

“Mədəni tədbirlərə Marneuli bələdiyyəsində yaşayan bütün kəndlərin fərqli etnik mənşəli sakinləri qoşulacaqlar. Bu onları daha da

yaxınlaşdıracaq və onların dinc yaşamasına dəstək olacaq. Belə tədbirlərdən biri “Marneuloba 2023” olacaq. Tədbir hər il keçiriləcək və ənənəvi xarakter daşıyacaq.

Tədbirin hazırlanması prosesində səlahiyyətli qrup yaradılmalıdır və həmin qrup Marneuli bələdiyyəsinin icmalarında hazırlıq işlərii həyata keçirəcək. Hazırlıq işlərinin məqsədi insani (rəqqasə, müğənni, natiq, şair, yazıçı, rəssam, sənətkar) və ya başqa növ (qədimi əşyalar, əl ilə toxunmuş xalçalar, qədim musiqi alətləri, kulinariya reseptləri) resurs, folklor nümunələri qalmış ailələr axtarmaq və kəşf etməkdir. Həmçinin, yerli fermerlər və sahibkarlarla məsləhətləşmələr olacaq. Ümumilikdə bu insanların iştirakı ilə bir növ mədəni tədbirlər keçiriləcək. Onlar arasında “Marneuloba - 2023” də var”, - tədbirin layihəsində qeyd olunub.

“Marneuloba - 2023" layihəsinə görə, tədbirdə 18 icma və hər icmaya məxsus ənənələr, mədəniyyət, musiqili nömrələri təqdim olunacaq.

“Regiona daxil olan bələdiyylərdən qonaqlar dəvət olunacaqlar və onlar özlünəməxsus ənənəvi guşələri təmsil edəcəklər. Fermer və sahibkarlara xüsusi sərgi məkanı ayrılacaq, “Etno-bazar” da olacaq, bələdiyyə ərazisində istehsal olunan kənd təsərrüfatı məhsulları və başqa məhsulların satışı təşkil olunacaq.

Əyləncə məkanında nağaraçılar şousu, animatorlar şousu, uşaq attraksionları, kukla teatrı təqdim olunacaq. Abidənin ərazsidinə konsert səhnəsi yerləşdiriləcək və tədbirin birinci hissəsi yerli xoreqraf, vokal qruplara, fərdi ifaçılara həsr olunacaq. Axşam saatlarında müğənnilərin və musiqi qrupunun iştirakı ilə qala konsert olacaq.

Tədbir möhtəşəm atəşfəşanlıqla başa çatacaq”, - tədbirin layihəsində qeyd olunub.

“Marneuloba-2023”-də mükafatlandırma mərasimi də baş tutacaq. Mərasimdə fəxri vətəndaş, ilin ən yaxşı idmançısı və ən yaxşı sənətçisi mükafatlandırılacaq. Onlara metaldan hazırlanmış “Yenə də böyüyəcəklər” abidəsi və 1000 lari pul təqdim olunacaq.

Tenderdə iştirak etmək istəyən şirkətlər 18 avqustdan 21 avqusta qədər öz təkliflərini təqdim edə bilərlər.

Tender sənədlərinə görə, xidmət sifariş verənlə razılıq əsasında 2023-cü ilin sentyabr ayının ikinci yarsında göstərilməlidir. Planlaşdırılan tədbirlərin həyata keçirilməsi konkret tarix və yer sifarişçi ilə razılaşdırılacaq.