“Salam” platforması koronavirus təhlükəsi ilə bağlı insanları
məlumatlandırmaq üçün “WhatsaApp” qrupu yaradıb.
Platformanın üzvləri bu qrupdan istifadə edərək Gürcüstanın
müxtəlif regionlarında yaşayan insanları maarifləndirmək üçün
smslər vasitəsi ilə lazımi məsləhətlər verirlər.
Platformanın təsisçilərindən olan Elnur Əliyevin sözlərinə görə,
“Salam”-a gələn çoxlu sual və smslərdən sonra onlar bu şəkildə qrup
yaradaraq məlumatlar çatdırmağın vacib olduğunu düşünüblər.
Beləliklə qrupda Gürcüstanın müxtəlif regionlarında yaşayan gənclər
məlumatları öz yaxınlarına, yaşlı və gənc nəsil nümayəndələrinə
göndərərək evdə qalmağın vacibliyi, özünü qorumağın yolları
haqqında bir sıra xəbərdarlıqlar edirlər.
Əliyev deyir ki, insanların çoxu bir-biri ilə, yaxın və dost
çevrələri ilə əlaqə saxlamaq üçün əsasən sosial şəbəkə olaraq
“WhatsaApp”-dan istifadə edirlər. O, qeyd edir ki, qrupda iştirak
etmək sərbəstdir və qrupun 160-dan çox gənc könüllü üzvləri var və
onlar insanlara gündəlik yeni məlumatları sms-lər vasitəsi ilə
çatdırırlar.
Qrupa qoşulmaq üçün bu linkə daxil ola bilərsiniz.
https://chat.whatsapp.com/FAjpEjsTYorFsyLK3idjjR