8 iyun tarixindən şəhərlərarası nəqliyyatın hərəkəti bərpa
olunacaq. Bu barədə Baş nazir Qiorqi Qaxaria Koordinasiya Şurasının
iclasında bildirib.
Şəhərlərarası nəqliyyatın hərəkəti ölkədə 24 mart tarixində qadağan
olunub.
Qeyd edək ki, Marneulidə ictimai nəqliyyatın hərəkəti sabahdan, 29
may tarixindən bərpa olunacaq. Nəqliyyat fərqli rejimdə çalışacaq
və sərnişinlər üçün maska taxmaq məcburi olacaq. Sərnişinlərin ayaq
üstə durması qadağan olunacaq.
Sərnişin daşımaq oturacaqların sayından asılı olacaq.
Marneulidə bütün ictimai nəqliyyatın hərəkəti 17 mart tarixində
dayandırılıb.