Marneuli yerli özünüidarəsi beş kənddə yollara asfalt qatının
çəkilməsini planlaşdırır.
Marneuli meriyası 2 iyun tarixində yolların bərpası/çəkilməsi
məqsədi ilə iki tender elan edib. Tenderlərin ümumi dəyəri 2 064
728 laridir.
Birinci tenderə əsasən yerli özünüidarə Dəmyə, İmirçala və Xixani
kəndlərində daxili yollara asfalt çəkəcək. Qeyd olunan işlər üçün
meriya 1 241 299 lari ayırıb.
İkinci tender Dolisxana kəndinə gedən yola asfalt qatının çəkilməsi
və Kirəç-Muğanlı kəndində daxili yolların bərpası üçün elan olunub.
Marneuli meriyası bu layihəni həyata keçirmək üçün 823 429 lari
ayırıb.
Tenderlərdə iştirak etmək istəyən şirkətlər 18 iyundan 23 iyuna
qədər təkliflərini təqdim edə bilərlər. 23 iyun tarixində
təkliflərin qəbulu dayandırılacaq və bundan sonra meriya tenderdə
qalib gəlmiş şirkətləri müəyyən edəcək və onlarla müqavilə
bağlanacaq.
Tender sənədlərinə görə, Dəmyə, İmirçala və Xixani kəndlərində
daxili yollarda asfalt qatının çəkilməsi işlərində qalib gələcək
şirkət, müqavilə bağlandıqdan sonra 90 gün ərzində yolu çəkməlidir.
İkinci tenderdə qalib gəlmiş şirkət isə Dolisxana kəndinə gedən
yola asfalt qatının çəkilməsi və Kirəç-Muğanlı kəndində daxili
yolların çəkilməsi işlərini müqavilə bağlandıqdan 70 gün ərzində
həyata keçirməlidir.